НҰР-СҰЛТАН, 16 қыркүйек — Sputnik. Австралиялық ғалымдар ішек рагының алдын алудың ең оңай жолдарын атады, деп хабарлайды "Известия".
Мамандардың айтуынша, ішектің қатерлі ісігінің пайда болу жағдайының 35 проценті адамның өмір салтымен тығыз байланысты. Әсіресе, қалай тамақтанатыны маңызды. Дәрігерлер жасұнығы көп диетаны ұстану керек екенін айтады. Ересектерге күніне кем дегенде 30 грамм жеу керек. Жасұнық кебекте көп болады. Дәрігерлер оны йогурт, смузилерге қосуға кеңес беріп отыр.
Сондай-ақ, күн сайын сүт өнімдері мен кофе ішкен де пайдалы. Майлы балықта болатын омега-3 май қышқылының пайдасы да дәлелденді.
Тағы оқыңыз: Мүлдем ішпеу керек: дәрігер адам үшін аса қауіпті сусынды атады
Ғалымдар етті өте аз жеу керек екенін ескертіп отыр. Ішек үшін, әсіресе, сиыр, бұзау, қой, шошқа еті аса қауіпті. Оларды көп мөлшерде жеу ішек рагын тудыруы мүмкін.
