Қоғам

Биыл ҰБТ форматы өзгере ме? Білім министрі жауап берді

© Sputnik / Владислав ВодневҰБТ
ҰБТ - Sputnik Қазақстан
Жазылу
Оқушылардың 11 жыл бойы алған білімін бағалау үшін сұрақтардың мазмұнын жетілдіру бағытындағы жұмысты жалғастырамыз, деді министр

АСТАНА, 5 наурыз – Sputnik. Білім және ғылым министрлігі ұлттық бірыңғай тестілеудің форматын өзгертпейді. Бұл туралы ведомство басшысы Күләш Шәмшидинова мәлімдеді, деп хабарлайды Sputnik Қазақстан тілшісі.

Министр образования и науки Куляш Шамшидинова - Sputnik Қазақстан
Қоғам
Білім министрі: біз Сағадиевтің емес, мемлекеттің саясатын жалғастырамыз
"Біз бүгін бірдеңе өзгертеміз деп айтпаймыз. Балаларымыз мектеп бітіреді, емтиханын тапсырады. Оларды одан әрі күйзеліске түсірудің қажеті жоқ. Бірақ оқушылардың 11 жыл бойы алған білімін бағалау үшін сұрақтардың мазмұнын жетілдіру бағытындағы жұмысты жалғастырамыз", - деді Шәмшидинова үкіметте өткен баспасөз мәслихатында.

Сонымен қатар, министр оқушылардың білімін бағалау жүйесіне де тоқталды.

Оның пікірінше, бағалау жүйесі балаларға, ата-аналар мен ұстаздарға да түсінікті болуы шарт.

"Әр оқушының алған бағасын жақсартуға мүмкіндігі болуы тиіс. Бағалау жүйесі дәл осыған бағытталған, яғни жүктемені, ең бастысы, оқушыға деген психологиялық қысымды жою. Иә, бәлкім, қазір бізде бұл бағытта олқылықтар бар шығар. Қателік те жіберіп жатқан шығармыз. Бірақ, біздің міндет – бағалау жүйесін ашық, түсінікті әрі қолжетімді ету", - деді министр.

Тағы оқыңыз: Жаңа білім министрі үштілділікке қатысты ойын айтты

Жаңалықтар
0