Қоғам

"Біздің отбасыда тәртіп басқаша" Америкалыққа тұрмысқа шыққан қазақ қызының әңгімесі

© Photo : Анар Сайекешованың жеке архивіненАнар отбасымен бірге
Анар отбасымен бірге - Sputnik Қазақстан
Жазылу
28 жастағы Анардың пікірінше, өмірлік серігіңнің қай ұлттан емес, ең бастысы, қандай адам екені маңызды

АСТАНА, 12 желтоқсан – Sputnik. Нұргүл Абай. Анар Сайекешова – Қызылорданың қазағы. Американың Нью-Джерси штатында тұрып жатқанына екі жыл болған. Бүгінде америкалық жұбайымен Ансел есімді ұлдарын тәрбиелеп отыр. Sputnik Қазақстан тілшісі мұхит асқан қазақ қызын әңгімеге тартып, Америкадағы өмірі, отбасы және тұрмыстағы қиындықтар туралы сұрады. 

"Жұбайымның қазақ болмағанына ренжіді"

Америкалық жігітке тұрмысқа шыққан 28 жастағы Анар болашақ жарымен интернет арқылы танысқан. Әлеуметтік желіде әңгімелері жарасып, бір-бірін жақынырақ тани бастаған соң, кездеспекші болады. 

Қолөнер шебері Артықбай Смағұлов - Sputnik Қазақстан
Қоғам
Назарбаевқа айтар өтінішім бар – Омбы қазағы
"Алғашқы кездесуден-ақ болашақта бірге болғымыз келетінін түсіндік. Бірнеше ай өткеннен кейін Серджио маған үйленуге ұсыныс жасады. Мен еш ойланбастан, бірден келісімімді бердім", — дейді Анар. 

Отандасымыздың шетелдікпен отау құруына жақындары қарсы болмаса да, бас кезінде ренжіген екен. 

"Жұбайымның қазақ болмағанына, елден алысқа кетіп бара жатқаныма ренжігені рас. Бірақ мен ешқашан адамдарды ұлтқа бөлген емеспін. Мен үшін ең бастысы – оның адамгершілігі мол, жақсы адам болғаны. Ал күйеуім мені өзінің мінезімен, жақсы қасиеттерімен баурап алды", — деп ағынан жарылды Америкада тұратын қазақ қызы. 

Шетелдіктерге тұрмысқа шыққысы келетін қыз-келіншектерге ешқандай ақыл-кеңес бере алмаймын дейді. 

© Photo : Анар Сайекешованың жеке архивіненАнар отбасымен бірге
Анар отбасымен бірге - Sputnik Қазақстан
Анар отбасымен бірге

"Бұл әркімнің өз таңдауы. Болашақ жарыңның қай ұлттан екені емес, қандай адам екені маңызды", — деп санайды ол. 

"Күйеуіме қалыпты нәрсе, маған, керісінше, жат көрінеді"

Үй болған соң, ыдыс-аяқ сылдырламай тұрмайтыны анық. Анар мен Серджионың арасында да ұрыс-керіс болып тұрады екен. Бірақ, отбасында туындаған кез келген проблеманы асықпай отырып әңгімелесіп, бірге шешкенді жөн көреміз дейді. 

Киіз үйді орнату - Sputnik Қазақстан
Қоғам
Қазақшаға судай америкалық желі қолданушыларын таңғалдырды - видео
"Ұрыс-керістен гөрі келіспеушілік дер едім. Мүмкін, мұның бәрі менталитетіміз әртүрлі болғаннан немесе ер мен әйелдің екі түрлі ойлауынан шығар. Нақты себебін өзім де білмеймін. Оның үстіне тілдік кедергі де бар. Кей сәттерде сөздік қорым таусылып, ойымды толық жеткізе алмай қаламын. Ағылшынға аударға кезде, мағынасы мүлде өзгеріп кетеді. Бірақ, мұның бәі болмашы нәрсе ғой. Менің ойымша, отбасының береке-бірлігі ерлі-зайыпты үнемі әңгімелесіп, кез келген мәселені бірлесе отырып шешкенде сақталады", — дейді ол. 

Оның айтуынша, шетелдіктерге қарағанда қазақтардың ырым-тыйымы өте көп. Сондықтан менің жұбайыма қалыпты көрінетін нәрсе маған жат, дейді Анар. 

"Олар бізге қарағанда анағұрлым еркін, ұсақ-түйекке бола бас қатырмайды", — дейді отандасымыз. 

"Қазақстанға келгісі келіп жүр"

Анар Қазақстанға отбасымен әлі келмепті. Келесі жылы баруды жоспарлап отыр екен. 

"Күйеуім Қазақстанға келгісі келіп жүр. Қазақша сөздерді үйренуге тырысады, бірақ, қиынға соғып жатыр", — дейді қазақ қызы. 

© Photo : Анар Сайекешованың жеке архивіненКішкентай Ансел
Кішкентай Ансел - Sputnik Қазақстан
Кішкентай Ансел

Жырақта жүрген отандасымыз елдегі ағайын-туысқандарын сағынып жүргенін жасырмады. 

"Жұбайым Қазақстанда белгілі бір уақыт тұруға қарсы емес. Біз бұл жайында онымен талай сөйлескенбіз. Алда не болатынын көре жатармыз", — деп қысқа қайырды Анар. 

Есенғали Ыбыраевтың мереке кезінде түскен суреті - Sputnik Қазақстан
Қоғам
Түмен қазағы: Отанда тұру – бәрімізге бұйырмаған бақыт, бағалаңыздар
Нью-Джерсиде Анардың мұхит асқан достары баршылық. Отандасымыз Қазақстаннан, Ресейден келген құрбы-құрдастарымен араласып тұратын көрінеді. 

"Америкада сырыңды ақтаратын дос табу қиын деп ойлаймын. Себебі мында "достық" деген сөзді әркім әрқалай түсінеді. Ал танысу оңай, барлығы ақ жарқын, үнемі жымиып жүреді", — дейді ол. 

"Біздің отбасыда тәртіп басқаша" 

Отандасымыздың айтуынша, америкалық ата-аналар барлық міндетті теңдей бөледі. Әке де, шеше де жұмыс істейді, екеуі де бала тәрбиесімен айналысады, үй шаруасын да бөліп алады. 

"Бірақ біздің отбасымызда тәртіп басқаша. Өйткені мен о баста баламен үйде отыратынымды айттым. Сол себепті үй шаруасы да менің мойнымда қалды", — дейді Анар. 

Десе де, америкалық күйеу бала ас үйде тамақ пісіріп, жарына көмектесіп  жүреді екен.

© Photo : Анар Сайекешованың жеке архивіненАнар күйеуі Серджиомен
Анар күйеуі Серджиомен - Sputnik Қазақстан
Анар күйеуі Серджиомен
 "Ер адамдардың бәрі бірдей (күлді). Америкалық жігіттер де жұмыстан келген соң, диванға қисая кеткенді жақсы көреді. Бірақ мен баламен үй шаруасына үлгермей бара жатсам, үнемі қол ұшын созады. Мәселен, кешкі асты көп жағдайда жұбайым пісіреді", — дейді отандасымыз.

"Америкада әркім өз тірлігімен әуре"

Екі жыл мұхиттың арғы жағында тұратын қазақ келіншегі Америкада не ұнайтынын айтты. 

"Адамдардың бір-біріне қарым-қатынасы, көзқарасы басқа, ешкім ешкімді сөкпейді, әркім өз тірлігімен әуре. Мұнда еркіндік сезіледі, Қазақстандағы сияқты көршім немесе туысқаным не ойлап қалады екен деп уайымдамайсың. Тағы бір ерекшелігі – бұл қызмет көрсету сапасы. Америкада сервис өте жоғары деңгейде. Кедейлер мен байлар арасында теңдік сезіледі, олар барлығына құрметпен қарайды", — дейді Анар.  

Ақжаркын Тұрлыбай мен адвокат Сұңқар Нұрмағанбетов - Sputnik Қазақстан
Қоғам
Қытай түрмесінде отырған қазақ қызының әке-шешесіне жазған хаты жарияланды
Оның айтуынша, Құрама Штаттарда әр адам алдына қойған мақсатқа оңай жете алады. Ең бастысы, ерінбей, еңбектену. 

"Бір ұнамайтыны – медициналық сақтандыру. Сақтандырусыз өте қиын, оларды төлеу де оңай емес", — дейді ол. 

Анар америкалықтарды елгезек, ақжарқын, еркін жандар деп сипаттайды. 

"Қол ұшын созуға әрдайым дайын, мақтау сөздерді жиі айтады. Сені алғаш көріп тұрса да, қасыңнан өтіп бара жатып, бас киімің немесе пальтоң өте әдемі деп айтуы мүмкін", — дейді ол.

© Photo : Анар Сайекешованың жеке архивіненАнардың ұлы - Ансел
Анардың ұлы - Ансел - Sputnik Қазақстан
Анардың ұлы - Ансел
 Осы уақытқа дейін Анар Қазақстан жайлы білетін бірде бір шетелдікті кездестірмепті. Алайда, қазақ еліне қызығушылық танытып, көбірек мағлұмат алғысы келетіндер бар екен. 

"Ең төменгі жалақымен қатардан қалмай өмір сүруге болады"

Айтуынша, Америкада өмір сүру деңгейі жоғары, халыққа барлық жағдай жасалған. 

"Тіпті, ең төменгі жалақымен қатардан қалмай өмір сүріп, ақша жинауға болады. Бірақ, бәрі адамның өзіне, оның ақшаны қалай үнемдеп, жұмсауына байланысты екенін ұмытпаған жөн", — дейді Анар. 

Моңғолия - Sputnik Қазақстан
Қоғам
Моңғолиядағы қазақтар да алаңдап отыр – қандас ақын
АҚШ-та баспананы жалға алу құны штатқа, халықтың тығыз орналасуына қарай құбылып тұрады. 

"Егер өзім тұратын Нью-Джерсиді алсақ, орташа есеппен бір бөлмелі пәтер үшін 1000 доллар төлейсің. Ал Нью-Йоркте бұл ақшаға тек бір бөлмені  жалға алуға болады, онда да ауданына қарай құбылады", — дейді отандасымыз. 

Ал америкалықтардың орташа жалақысы шамамен 2000 долларды құрайды екен.  

"Бұл ақшамен пәтердің ақысын төлеп, үш адамнан тұратын отбасыны қиналмай асырауға болады. Мұндай жалақымен шетелге демалысқа шығу қиын, әрине. Бірақ күнделікті күйбең тіршіліктен бір сергіп, көңіл көтеріп қайтуға жетеді", — дейді ол. 

Анардың ойынша, америкалықтардың дені медицина саласында қызмет етуге ұмтылады. Себебі жалақысы жоғары. 

"Өз айналамдағы америкалықтарға қарасам, олар, жалпы, жұмыс істегенді онша ұната бермейді немесе ең оңай жұмысты қалайды. Көбісі мансап қумайды, қызметінің өскенін армандамайды. Мектеп кезінен бастап әр түрлі жұмысқа араласып, соны қанағат тұтады. Жоғары жалақы, керемет жұмысқа қатты ұмтылмайды. Басқа орталарда олай емес шығар, мүмкін. Ол жағын анық білмедім", — дейді ол. 


Жаңалықтар
0