Қоғам

"Әуелі анамды қуанттым": маңғыстаулық екі түлек ҰБТ-дан 136 балл алды

© Sputnik / Болат ШайхиновҰБТ
ҰБТ - Sputnik Қазақстан
Жазылу
Екеуі де мұндай жоғары жетістікті күтепті

АСТАНА, 30 маусым — Sputnik. Маңғыстау облысында мектеп бітіруші түлектер Ержан Жанжігітов пен Ерсұлтан Рахметұлы Ұлттық бірыңғай тестілеуден 136 балл жинады.

Шиара Кудайбергенова - Sputnik Қазақстан
Қоғам
ҰБТ-дағы алғашқы 140 балл: ең жоғары нәтиже көрсеткен түлекке сыйлық беріледі

Маңғыстау облысында биыл тестілеуге төрт мыңнан астам түлек қатысыпты, деп хабарлайды Sputnik lada.kz басылымына сілтеме жасап.

Шетпе гимназиясын бітірген Ержан Жанжігітов тестіден 120 балл аламын деп ойлаған екен. Сынаққа дайындықты сонау тоғызыншы сыныптан бастап, репетиторлардың да көмегіне жүгінген. Қуанышты хабарды сынып жетекшісінен естіпті.

"Әуелі анамды қуанттым. Бәрінен мені уайымдаған сол кісі еді. Кейін достарыма қоңырау шалдым", — деді Жанжігітов.

Ержан жоғары жетістікке жетуіне ең әуелі физика және математика пәндерінің мұғалімдері зор үлес қосты деп санайды. Бозбала Көкшетау техникалық институтына түскісі келеді.

Қазақстандағы ҰБТ, архивтегі фото - Sputnik Қазақстан
Қоғам
Түркістан облысында 4 оқушының ҰБТ нәтижесі жойылды

Екінші түлек — Ерсұлтан Рахметұлы Жаңаөзен мектеп-лицейін бітірген — дайындықты 11-сыныпта бастапты, ол да 130 балл аламын деп ойлаған.

Қорытындыны естігенде, өз құлағына өзі сенбей, қатты қуаныпты. Бірден ата-анасына хабарласқан. Оларға сенімі мен қолдауы үшін алғысын айтып, өзін дайындаған ұстаздарына да ризашылығын білдірді. Ерсұлтан Әл-Фараби атындағы университетке түскісі келеді. Заң факультетін бітіріп, прокурор атанғысы келеді.

Министрлік ҰБТ-да тәртіп бұзатын түлектерге айыппұл салуды ұсынды>>

Жаңалықтар
0