Қоғам

Назарбаев Рамазан айы қарсаңында Астанадағы жаңа мешітті аралады

© Официальный сайт Президента КазахстанаНұрсұлтан Назарбаев Астанадағы мешітте болды
Нұрсұлтан Назарбаев Астанадағы мешітте болды - Sputnik Қазақстан
Жазылу
Жаңа мешіт қайырымдылық мақсатпен жиналған қаражат есебінен тұрғызылды

АСТАНА, 2 мамыр – Sputnik. Барша мұсылман қауымы үшін қасиетті Рамазан айы қарсаңында Мемлекет басшысы Нұрсұлтан Назарбаев елордалық "Сарыарқа" ауданында орналасқан жаңа мешітке барды, деп хабарлады Ақорданың баспасөз қызметі.

Қазақстан президентіне мешіттің салыну барысы, сондай-ақ осы ғимаратты электр қуатымен және жылумен қамтамасыз ету үшін пайдаланылатын баламалы энергия көздері жөнінде мәлімделді.

Мешіт - Sputnik Қазақстан
Қоғам
Елімізде "100 үздік имам" мен "үлгілі мешіт" анықталады

Есіл өзенінің оң жағалауында орналасқан мешіттің құрылысы 2016 жылы басталды. Жаңа мешіт қайырымдылық мақсатпен жиналған қаражат есебінен тұрғызылды. Мешіт ғимараты дәстүрлі өрнектер мен декоративті элементтер қолданыла отырып, постмодернизм стилінде салынған. Негізгі ғимарат күрделі әрі жартылай сфералық нысанды елестетеді. Оның қабырғалары үшбұрыштана сүйірленіп, диаметрі 26 метрлік күмбезбен жалғасқан. Мешіттің сыртқы дизайны гүлді әрі алмастың қырларын еске салады.

Мешіттің басты ғимаратының солтүстік жағында орналасқан мұнараның биіктігі – 43,5 метр. Ол "қалам" – "қасиетті қауырсын" түрінде бой көтерген.

Жаңа мешітті энергия қуатымен қамтамасыз ету үшін пайдаланылатын баламалы энергия көздері қажетті мөлшерден үш есе көп электр қуатын өндіреді. Жаңа мешіт 750 адамға лайықталған.

Мешіт ғимаратының ауданы – 2248 шаршы метр. Орналасқан жердің ауданы – 1,44 га.


Жаңалықтар
0