Қоғам

Сағадиев ҰБТ-дан қазақ тілі неліктен алынып тастағанын түсіндірді

© Photo : Министерство образования и науки Республики КазахстанЕрлан Сағадиев
Ерлан Сағадиев - Sputnik Қазақстан
Жазылу
Биыл қазақ тілін мектеп түлектерінің 100%-ы тапсырады

АСТАНА, 31 мамыр — Sputnik. Астанада халықпен өтіп жатқан есепті кездесуде Білім және ғылым министрі Ерлан Сағадиев ұлттық бірыңғай тестілеуден қазақ тілінің неліктен алынып тастағанын түсіндірді.

Оқушылар - Sputnik Қазақстан
Қоғам
Білім министрлігі оқушылардың үй тапсырмасын қалай қысқартпақ?

Министр, ең алдымен, бүгінде оқушылардың шамамен сексен пайызы ұлттық бірыңғай тестілеуді қазақ тілінде тапсыратынын атап өтті.

"Бұрын егер ҰБТ-да қазақ тілінен нашар баға алсаң да, әрі қарай ілгерілей бересің. Өйткені қазақ тілінен ұпай есептелмейтін. Оқушылар салмақты түрде дайындалмайтын. Сондықтан түлектеріміздің жүз пайызы қазақ тілін тапсыру үшін оны мектептерге ауыстырдық", — деді министр.

Оның айтуынша, енді емтихан сұрақтарын мектеп емес, білім министрлігі дайындайды.

"Бұл мәселеге ерекше мән береміз. Жүз пайыз балалар қазақ тілінен емтиханды дұрыстап тапсыратын болады", — деді Сағадиев.

Жаңалықтар
0