Қоғам

Дін саласындағы мемлекеттік саясатты айқындайтын тұжырымдама әзірленді

© Sputnik / Болат ШайхиновМечеть Хазрет Султан
Мечеть Хазрет Султан - Sputnik Қазақстан
Жазылу
Тәуелсіздік жылдары ішінде дін саласындағы мемлекеттік саясатты айқындайтын тұжырымдама алғаш рет әзірленіп отыр

АСТАНА, 2 мамыр  — Sputnik. Үкімет отырысында дін саласындағы мемлекеттің саясаттың 2017-2020 жылдарға арналған тұжырымдаманың жобасы қаралды.  

никаб киген әйел - Sputnik Қазақстан
Қоғам
Дін министрі қысқа балақ пен сақалға тыйым салу ұсынысына қатысты түсініктеме берді

"Тұжырымдаманың мақсаты діни саланы реттеу бойынша 2020 жылға дейінгі ғылыми-теориялық негіздерді айқындау, елдегі дін саласын реттеу бойынша заңнамалық-басқарушылық, әлеуметтік-экономикалық шараларды анықтау болып табылады. Оны іске асыру қоғамда және жалпы рухани санада тұрақты және үйлесімді дамуды, жаңғыруды қамтамасыз етуге мүмкіндік береді", — деп баяндады үкімет отырысында ҚР Дін істері және ақпараттық қоғам министрі Нұрлан Ермекбаев. 

Тұжырымдаманың бірінші бөлімі ағымдағы жағдайды талдауға және діни саладағы мемлекеттік саясаттың дамуын бағдарлауға арналған. Екінші бөлімде мемлекеттік саясаттың тиімділігін арттыру бойынша шаралар ұсынылып отыр. 

"Тұжырымдама жобасы Елбасының тапсырмасына сәйкес әзірленді. Дін саласындағы мемлекеттік саясатты айқындайтын тұжырымдама тәуелсіздік жылдары ішінде бірінші рет әзірленіп отыр. Ол заңнамаға өзгертулер мен толықтыруларды енгізуге негіз болады. Шетелдік тәжірибе зерделеніп, көптеген сарапшылардың қатысуымен әзірленді", — деді ол. 

Мешіт - Sputnik Қазақстан
Қоғам
Ермекбаев: мешітке баруға тыйым салу бойынша салиқалы шешім қабылдаймыз

"Қазақстан дінтанушылар конгресі" қоғамдық бірлестігінің төрағасы Бақытжан Сатершиновтің пікірінше, дiн саласында дұрыс және тиiмдi мемлекеттiк саясатты қалыптастыру маңызды мiндет болып саналады.

"Жалпы руханият саласында осы уақытқа дейiн жалпыадамзаттық құндылықтарды таратып келген дiннiң орнын дұрыс түсiну өте маңызды. Қазiргi кезде бiз байқап отырмыз, әлемнiң түкпiр-түкпiрiнде дiни проблемалар өзектi болып отыр. Және ол өте бiр нәзiк, сезiмтал салаға айналып отыр. Қоғамда дiншiлдiктiң деңгейi артты. Дiни ағымдардың кейбiр өкiлдерi дiндi деструктивтi мақсатта қолдануға тырысып отыр. Сондықтан, Қазақстанда, елiмiзде дiни экстремизмнің қаупi туындауда. Осы орайда, дiн саласында дұрыс және тиiмдi мемлекеттiк саясатты қалыптастыру маңызды мiндет болып саналады. Тұжырымдаманың әзiрленуi осындай өзектiлiктен туындады", — дедi ол. 


Жаңалықтар
0