АСТАНА, 17 қаз — Sputnik. Шымкент әкімдігі сәбидің есімін Жилстройбек деп қойыпты деген ақпаратты растамайды, деп хабарлады Sputnik Қазақстанға қала әкімдігінің баспасөз қызметінде.
Бұрын БАҚ-тар Шымкентте "Жилстройсбербанктен" пәтер алған жас ата-ана баласының есімін Жилстройбек қойыпты деп хабарлаған. Сәби қыркүйекте туылды, оның толық есімі "Жилстройбек Еркебұланұлы Батырбек", деп хабарланған.
"Ол еш жерде тіркелмеген. Біз АХАЖ жазбаларын тексердік, ондай еш жерде жоқ. Соңғы рет жұмада тексердік", — деді агенттікпен әңгімелесуші телефон арқылы.
