Өңірлер

Қазақстанның басым бөлігінде дабылды ескерту жарияланды

© Sputnik / Владислав ВодневСнежный коллапс в Нур-Султане
Снежный коллапс в Нур-Султане  - Sputnik Қазақстан, 1920, 15.01.2022
Жазылу
16 қаңтарда республиканың басым бөлігінде қатты жел тұрып, бұрқасындатады, тұман түсіп, көктайғақ болады
НҰР-СҰЛТАН, 15 қаңтар – Sputnik. Қазгидромет он облыс пен бір қалада ауа райына байланысты дабылды ескерту жариялады.
Нұр-Сұлтан қаласында 16 қаңтарда бұрқасындатып, көктайғақ болады. Оңтүстік-батыстан жел соғады, екпіні - 15-20 м/с.
Қызылорда облысының басым бөлігінде түнде жауын-шашын (жаңбыр, қар) күтіледі. Тәулік бойы облыстың орталығында және оңтүстігінде тұман,  көктайғақ сақталады. Жел оңтүстік-батыстан, батыстан соғады.
Ақтөбе облысының солтүстігінде, батысында, шығысында бұрқасын болып, көктайғақ күтіледі. Оңтүстік-батыстан жел соғады, екпіні - 15-20 м/с күтіледі.
Маңғыстау облысының басым бөлігінде көктайғақ болады. Солтүстік-батыстан, батыстан жел соғады, күші 9-14, түнде облыстың батысында және орталығында екпіні 17-22 м/с-ке жетеді.
Павлодар облыстың оңтүстігінде, шығысында бұрқасын, көктайғақ күтіледі. Оңтүстіктен жел соғады, түнде облыстың солтүстігінде, күндіз облыстың оңтүстігінде, шығысында екпіні 15-20 м/с болады.
Атырау облысының басым бөлігінде тұман, көктайғақ күтіледі. Облыстың солтүстігінде, батысында бұрқасындатады. Батыстан, оңтүстік-батыстан жел соғады, облыстың солтүстігінде, батысында күші 15-20 м/с -ке жетеді.
Шығыс Қазақстан облысының солтүстік-шығысында, күндіз батысында бұрқасын, көктайғақ күтіледі. Жел оңтүстік-шығыстан, оңтүстіктен соғады, түнде облыстың орталығында, күндіз облыстың батысында, орталығында, оңтүстік-шығысында екпіні 25 м/с-ке жетеді.
Ақмола облысының батысында, солтүстігінде, шығысында бұрқасын, көктайғақ күтіледі. Оңтүстік-батыстан жел соғады, күші 15-20, күндіз облыстың солтүстігінде 23-28 м/с -ке жетеді.
Қарағанды облысының солтүстігінде, батысында, шығысында бұрқасын, көктайғақ, облыстың оңтүстік-шығысында тұман болады. Оңтүстік-шығыстан соғатын жел оңтүстік-батысқа ауысады, облыстың солтүстігінде, шығысында, орталығында күші 15-20 м/с, екпіні 25 м/с.
Батыс Қазақстан облысының солтүстігінде, шығысында бұрқасын күтіледі. Жел оңтүстік-батыстан соғады, екпіні 15-20 м/с.
Солтүстік Қазақстан облысының басым бөлігінде қар түседі. Облыстың солтүстігінде, оңтүстігінде, батысында бұрқасын күтіледі. Оңтүстік-батыстан жел соғады, күші 15-20 м/с, түнде облыстың оңтүстік-батысында екпіні 23-28 м/с-ке жетеді.
Жаңалықтар
0