НҰР-СҰЛТАН, 22 қазан – Sputnik. Қазақстанда коронавирустың таралуына жол бермеу жөніндегі ведомствоаралық комиссия 22 қазандағы жағдай бойынша өңірлердегі эпидемиологиялық ахуалды бағалау матрицасын жариялады.
Соған сәйкес, Алматы облысының "қызыл" аймақтан "жасыл" аймаққа, Қызылорда облысы "жасыл" аймақтан "сары" аймаққа ойысты.
"Қызыл" аймақта: Нұр-Сұлтан, Алматы қалалары, Қостанай, Павлодар, Ақмола, Солтүстік Қазақстан облыстары.
"Сары" аймақта: Атырау, Қарағанды, Қызылорда, Шығыс Қазақстан облыстары.
"Жасыл" аймақта: Шымкент қаласы, Алматы, Ақтөбе, Батыс Қазақстан, Түркістан, Жамбыл, Маңғыстау облыстары.
