10:41 27 Қыркүйек 2021
Тікелей эфир
  • USD423.91
  • EUR497.37
  • RUB5.82
Өңірлер
Қысқа сілтеме алу
COVID-ке қарсы вакцина (371)
1459 0 0

59 жастағы Теміртау тұрғыны қайтыс болған күннің ертеңінде базада ер адамның вакцинаның екінші компонентін алғаны туралы белгі пайда болды

НҰР-СҰЛТАН, 26 тамыз – Sputnik. Қарағанды облысында коронавирустан қайтыс болған ер адам вакцинаның екінші дозасын өлген соң "алған", деп хабарлады Polisia.kz.

Облыстық полиция департаменті медицина қызметкерлеріне қатысты Қазақстан Қылмыстық кодексінің 38-бабы "Ресми құжаттарды қолдан жасау және сату" бойынша қозғалған қылмыстық істі тіркеп, тергеуді бастады.

Бұл деректі Медициналық және фармацевтикалық бақылау комитетінің Қарағанды ​​облысындағы департаменті COVID-19-ға қарсы вакцина салдырған адамдар арасындағы өлім-жітімді тексеру кезінде анықтады.

"59 жастағы Теміртау тұрғыны жұқпалы аурулар ауруханасына жатқызылғанға дейін вакцинаның бірінші компонентін салдырғаны туралы белгі болған. Бес күннен кейін бұл азамат COVID-19-дан қайтыс болды. Алайда ол қайтыс болған күннің ертеңінде базада ер адамның вакцинаның екінші компонентін алғаны туралы белгі пайда болды. Әрине, осыдан кейін оның бірінші вакцинаны алғаны күдік тудырды", - деп түсіндірді полиция департаменті тергеу бөлімінің бастығы Алмаз Саламатов.

Қазіргі уақытта бұл факті бойынша тергеу жүргізіліп жатыр. Тиісті органдарға сұрау жіберілді. Тергеу барысын облыстық полиция департаментінің басшылығы бақылауға алды.  

Тақырып:
COVID-ке қарсы вакцина (371)
Кілт сөздер:
вакцина, коронавирус
Загрузка...

Басты тақырып