НҰР-СҰЛТАН, 19 шілде – Sputnik. Маңғыстауда тегін шөпті әкетуге келген бір топ адамның видеосы әлеуметтік желіде тарап кетті.
Роликтен ауылдықтар елдің басқа өңірлерінен жеткізілген шөпті әкетіп жатқанын көруге болады, деп жазды Лада.
Сонымен қатар ауыл тұрғындарының қылығы видео авторының ашуын тудырды.
"Мына халықты қара. Отбасында алты адам болса, соның бәрі алып жатыр. Бала-шағасымен осында жүр. Кілең джиптер, кілең байлар келген. Адамнан көлік көп. Не деген сұмдық!" - дейді автор.
Батыс аймақтарға шөп жіберген жігіт: "Мал қырылып жатқанда, тыныш жата алмадым"
Еске сала кетейік, Маңғыстау және Қызылорда облыстарында құрғақшылық салдарынан жем-шөп тапшылығы туындады. Ресми мәлімет бойынша, екі өңірде екі мың мал аштықтан өлген. Ауыл шаруашылығы министрі Маңғыстауда жылқының жаппай қырылуына әкімдіктердің шалағай жұмысы себеп болғанын айтты.
