19:06 15 Маусым 2021
Тікелей эфир
  • USD426.81
  • EUR517.00
  • RUB5.91
Өңірлер
Қысқа сілтеме алу
57 0 0

Кеңсе алдына келген әйелдердің кетпейтінін түсінген басшылық амалсыз шыққанымен, мәселесін жаудырған топқа жөнді жауап бере алмады

НҰР-СҰЛТАН, 10 маусым – Sputnik. 2007 жылы жұмыс бабымен қоныс аударып келген 81 отбасы далада қалдық деген шымкенттік теміржолшы әйелдер басшылық кеңсесіне терезеден кірді. "Қазақстан темір жолы" компаниясы оларға үй салуға жер бергенімен, жер телімі қызыл сызықта орналасқан екен.

Енді үйінің тіркеуі жоқ тұрғындар не ауруханаға бара алмайды, не баспанасын заңдастыра алмай жүр. Тіпті рұқсат етілмеген жерде салынған үйлерге су, жол мен газ да жүргізілмейді. Кезекті рет мұңын айтып келгендерді басшылар кабинетіне кіргізбеуге тырысқан, бірақ ашулы топ терезе арқылы кірді, деп хабарлайды КТК арнасы. 

Сарыағаш ауданындағы Алғабас теміржол стансасының бір топ теміржолшысы Шымкенттегі кеңсеге келгенімен, оларды ешкім қарсы алмады. 2007 жылы "Қазақстан темір жолы" компаниясы Шеңгелді станциясынан 385 отбасын 40 шақырым жердегі Алғабасқа көшіріпті. Бәріне 10 сотықтан жер бөлгенімен, 81 учаске қызыл сызық үстіне түскен. Басшылар "шешіп береміз" деген соң үй салғандар содан бері сандалып жүр.

"Сіздерге үш жылдың ішінде газ, су, мектеп салып береміз, осы жерден жер беріп жатырмыз. ­­Өтініш, барлық теміржолшылар, көшіңіздер" деп уәде берді. Олардың сөзіне сеніп, үй-жайды тастап, бала-шағаны алып көшіп келдік", – дейді теміржолшы Нұржамал Тәшімбетова.

Қызыл сызық үстіне жаппай үй салғанымен, тіркеусіз қалған 81 отбасы қазір үлкен ауылға айналған. Бірақ үй құжаты болмаған соң ешқандай есепте жоқ. Билік заңсыз тұрып жатырсыңдар деп не су, не жол жүргізбейді. Тіпті осының кесірінен әлеуметтік жәрдемақыдан да қағылыпты. Тұрғындар түгел ақша беріп жан-жақта тіркеуде тұр.

"Тіркеуге тұру үшін төрт балаға 40 мың кетеді, өзім бар, күйеуім бар. Жетпейді ғой енді, су құйдырасың, анау-мынау істейсің. Соның шешімі болу үшін құжаттарымызды шығарып, базасына мемлекеттік актімізді енгізіп берсін", – дейді көпбалалы ана Жансая Қырғызбек.

Оқи отырыңыз: Өскеменде қолына баласын ұстаған тыр жалаңаш әйел көшеде шу шығарды

Шымкентте отыратын басшыларына балаларын жетектеп жүз шақырым жерден жеткен әйелдерді ішкі кіргізбей қойды. Тіпті есікті кілттеп алған. Бірақ олардың әрекеті онсыз да наразы топтың ашуын туғызды.

Алдыңа Сарыағаш ауданынан келіп отырмыз. Көршің емеспіз, аш есікті, деген әйелдердің айғайынан нәтиже шықпаған соң, ашуға булыққан топ есікті қойып, терезеден кірді. Әйелдердің кетпейтінін түсінген басшылық амалсыз шықты. Қаумалап мәселесін жаудырған топқа жөнді жауап бере алмады. Мәселені біресе "білеміз", біресе "білмейміз" дегендер жердің шешімін шығарып берген Сарыағаш әкімі "басын ауыртсын" дейді.

"Былық әкімдіктен. Біздің қатысымыз жоқ. "ҚТЖ"-ның берген құжаттарын да тексеру керек. Қандай негізде екенін. Қазір құжаттарын талап етеміз", – деді ҚТЖ Шымкент филиалы заң бөлімінің басшысы Ерғали Жансейітов.

"Қазақстан темір жолы" компаниясы теміржолшылардың 14 жылдан бері айтып келе жатқан шағымын енді зерттемек. "Керек болса жерге шешім шығарып берген әкімдікті сотқа береміз" деген олар әйелдерді сабырға шақырып әзер қайтарды. "Қажет болса терезеден де тайынбаймыз" деген теміржолшылар мәселе шешілмесе, ұл-қызын жетектеп темір жолмен елордаға барамыз деп отыр.

Тақырып бойынша

Атырау сотында танымал спортшыны өлтіргендердің туыстары шу шығарды
"Бәрі сатылып жатыр": Нұр-Сұлтан тұрғыны сенаторларды көріп шу шығарды
"Депутат менсінбейді, әкімдік тыңдамайды": Түркістан облысында ауыл тұрғындары шу шығарды
"Әр балаға отыз мыңнан берілсін": Қызылордалық көпбалалы аналар шу шығарды
"Жаман ойымыз жоқ": Ақтауда баспанасын 7 жыл күткен үлескерлер шу шығарды
Кілт сөздер:
Шымкент, құжаттар
Загрузка...

Басты тақырып