05:43 17 Маусым 2021
Тікелей эфир
  • USD425.63
  • EUR515.99
  • RUB5.92
Өңірлер
Қысқа сілтеме алу
6268 0 0

21 мамырдан бастап Алматы әуежайына жолаушыларды Ashyq қосымшасы арқылы кіргізеді

АЛМАТЫ, 7 мамыр – Sputnik. Алматы халықаралық әуежайына енді тек Ashyq қосымшасы арқылы кіруге болады. Қазақстанның бас санитар дәрігерінің 6 мамырдан бастап күшіне енген қаулысына сәйкес, жолаушылар әуежайға келгенше Ashyq мобильді қосымшасын жүктеп, өз статусын тексеруі қажет.

Алматы әуежайына Ashyq қосымшасы арқылы кіру 2021 жылдың 21 мамырынан бастап енгізіледі.

Бұған дейін мұндай шара Қазақстан елордасындағы Нұрсұлтан Назарбаев халықаралық әуежайында енгізілгені хабарланды. Соған байланысты 12 мамырдан бастап "сары" және "қызыл" статустағы жолаушылар әуежайға жіберілмейді. Егер ұшуға рұқсат берілмеген жағдайда билет бағасын қайтару мәселесін жолаушы әуе компаниясымен келісіп шешеді.

Оқи отырыңыз: Цой енді кімдер екі аптаға карантинге жіберілетінін айтты 

Ashyq қосымшасына ақпарат Қазақстан денсаулық сақтау министрлігінің базасы арқылы келеді. Ол азамат инфекция тасымалдаушы ма, жоқ па, соны айқындайды.

Ashyq қосымшасы деген не

Биылғы жылдың 17 қаңтарынан бастап белгілі бір шағын және орта бизнес нысандарына Ashyq мобильді қосымшасы арқылы кіру талабы енгізілді. Тапсырыс беруші – цифрлық даму, инновациялар және аэроғарыш өнеркәсібі, денсаулық сақтау министрліктері.

Қосымшада QR-кодты сканерлеу арқылы келушінің статусын анықтайды:

  • Егер адам коронавирустың ПТР сынағынан өтіп, оң нәтиже алса, "қызыл" статус беріледі. Мұндай статус иелеріне үйде оқшаулану режимін қатаң сақтау қажет.
  • "Сары" белгі инфекция жұқтырған адамдармен байланысқа түскен адамдарға тағайындалады. Оларға азық-түлік алуға немесе үй жанындағы дәріханаға шығуға рұқсат бар. Бірақ басқа қоғамдық орындарға баруға тыйым салынған.
  • "Көк" түс – ПТР тест талап етілмейтін жерлерде еркін жүреді.
  • "Жасыл" түс – еркін жүре алатын адам.

Сондай-ақ 1 шілдеден бастап қосымша арқылы адамның вакцина қабылдаған-қабылдамағаны да көрінеді.

Тақырып бойынша

Вакцина салдырғандардан қай кезде ПТР-анықтама талап етілмейді
Қазақстандықтар қашан маскасыз жүреді – министр жауабы  
Қазақстан вакцина шығаратын америкалық компаниямен келіссөз жүргізіп жатыр
Цой қауіпті аймақта тұрған өңірлер туралы айтты
Кілт сөздер:
коронавирус, шектеу
Загрузка...

Басты тақырып