ПАВЛОДАР, 14 сәуір – Sputnik. Павлодардағы Усолка өзенінде балықшының қармағына граната ілінді, деп хабарлады Павлодар облыстық полиция департаментінің баспасөз қызметі.
14 сәуірде сағат 19.30 шамасында полицияға Усолка өзенінен гранатаға ұқсас зат табылғаны туралы хабарлама түсті. Оқиға орнына келген полиция қызметкерлері аумақты қоршауға алып, адамдарды эвакуациялады.
"Бәрі шошып кетті": Балық аулап жүрген Ақсу тұрғыны полиция шақырды
Жарылыс-техникалық заттар тобының қызметкерлері кинология қызметімен бірге тексеріс жүргізгеннен кейін граната арнайы капсулаға салынды.
"Қазір ол ешқандай қауіп төндірмейді. Сараптама тағайындалды. Тексеріс жүріп жатыр", - деп хабарлады полиция.
Полицейлер қала тұрғыны жұртты дүрліктірген бұл затты балық аулау кезінде судан алып шыққаны анықталды.
