АЛМАТЫ, 31 наурыз – Sputnik. Қазақстанда коронавирустың таралуы бойынша "қызыл" аймақта тұрған өңірлер саны көбейді, деп хабарлады республиканың денсаулық сақтау министрлігі.
"Қызыл" аймақта: Нұр-Сұлтан қаласы, Алматы қаласы, Атырау, Ақтөбе және Батыс Қазақстан облыстары бар.
"Сары" аймақта: Алматы және Қарағанды облыстары тұр.
"Жасыл" аймақта – қалған барлық өңірлер.
Айта кетейік, Ақтөбе облысында өткен тәулікте коронавируспен ауырған 82 адам анықталды. Науқастар саны бойынша көшбасшы – Алматы қаласы, мұнда бір күнде 526 жаңа науқас тіркелді.