"Әділетсіз шешім": Талғарда тағы да шу шықты – видео

НҰР-СҰЛТАН, 5 ақпан – Sputnik. Талғар аудандық ауруханасында тағы шу шықты. Ғимараттардың алдында жиналған адамдар мүгедектік тобынан заңсыз шығарып жатқанына шағымданды, деп хабарлады Sputnik Қазақстан тілшісі.

LIFE KZ YouTube-арнасына шыққан сюжетте қала тұрғындарының аурухананың алдында жиналып тұрғанын көруге болады. Олардың барлығы – мүгедектік топқа кірген азаматтар. Енді, бәрін осы топтан шығарып жатыр.  Адамдар ондай шешім заңсыз екенін мәлімдеп, президент аппаратына шағым түсірді.

"Бізді мүгедектер тобынан шығарып тастады. Бұл – әділетсіз шешім. Адамдардың көбісі созылмалы обструкциялық бронхитпен ауырады, демікпеге шалдыққандар да аз емес. Инсульт алғандар бар. Балаларға бүйрекке ота жасаған. Онкологиялық аурулар да жоқ емес. Көзі көрмейтіндер де бар. Көбісін мүгедектік тобынан шығарып тастаған", - дейді Юлия Заткова.

Оның айтуынша, мүгедектіктен шыққандарға "жазылып шықты" деген қорытынды берген. Соның негізінде мүгедектік тобын алып тастау туралы шешім қабылданады. Ал жұмыс берушілер ондай адамдардың денсаулығына қарап, жұмысқа алмайды. Аурухананың алдында жиналған адамдар құжатпен айналысатын бөлім басшысын жұмыстан босатуды талап етті.