НҰР-СҰЛТАН, 1 ақпан – Sputnik. Өскеменде су құбырындағы апат салдарынан қала көшелерінің бірін су басты.
Әкімдіктің хабарлауынша, апат 31 қаңтарда күндізгі сағат үште болған.
Посмотреть эту публикацию в Instagram
"Гараж кооперативі ауданында Мызы көшесінің бойында 7 метр тереңдікте жатқан су құбырында диаметрі 500 миллиметрлік жарық пайда болды. Салдарынан бірнеше көшені су басты. Сағат 16:00-де апат аймағының суы сөндіріліп, Шмелев Лог аумағын суық сумен жабдықтау қысымы төмендетілді. Жедел қалпына келтіру тобы төтенше жағдайды жою шараларын шұғыл қолға алды", – деп хабарлады қала әкімдігінің баспасөз қызметі.
Оқи отырыңыз: Павлодар тұрғыны ыстық су құбыры жарылған жердегі шұңқырға құлап кетті
Сонымен қатар, кәріз суының ағындыларын сорып, тазалауға арнайы көліктер жұмылдырылды.
