07:15 24 Қазан 2020
Тікелей эфир
  • USD427.91
  • EUR506.90
  • RUB5.60
Өңірлер
Қысқа сілтеме алу
1696711

Адамды заңсыз бас бостандығынан айыру бойынша қылмыстық іс қозғалды, күдіктілер 10 жылға дейiн бас бостандығынан айырылуы мүмкін

НҰР-СҰЛТАН, 21 қыркүйек – Sputnik. Қызылорда облысында 55 жастағы әйелді бір апта бойы ұрып-соғып, зорлаған екі ер адам ұсталды. Бұл туралы ішкі істер министрлігі криминалдық полиция департаментінің басшысы Думан Таев адам саудасы туралы брифингте мәлімдеді, деп хабарлайды Sputnik Қазақстан тілшісі.

Айтуынша, Қызылорда облысында полиция адам саудасымен байланысты қылмыстың бетін ашты. Екі ер адам қаладағы пәтерлердің бірінде 55 жастағы әйелді бір апта бойы заңсыз ұстап, ұрып, зорлаған.

"Қылмыстық кодекстің 126-бабы 3-бөлімі 2-тармағы "Адамды қанау мақсатында заңсыз бас бостандығынан айыру" бойынша қылмыстық іс қозғалды", - деді Таев.

Айта кетсек, бұл бап бойынша 5-тен 10 жылға дейiнгi мерзiмге бас бостандығынан айыру жазасы көзделген.

Осыған ұқсас жағдай Алматы қаласында да болды. Әйелдер 16 жастағы қызды алдап, бес ай бойы жезөкшелікпен айналысуға мәжбүрлеген.

Таевтың айтуынша, әйелдер қыздың мәліметтерін жыныстық қызмет көрсету туралы хабарландырумен қоса интернет-ресурстарға жариялаған. Бұған қатысты Қылмыстық кодекстің 134-бабы 1-бөлімі "Кәмелетке толмаған адамды жезөкшелікпен айналысуға тарту" бойынша қылмыстық іс қозғалды. Күдіктілер мүлкі тәркіленіп, үш жылдан алты жылға дейін бас бостандығынан айырылуы мүмкін.

Ішкі істер министрлігінің ақпаратынша, "STOP трафик" операциясының үш күні ішінде адам саудасымен байланысты 50-ден аса қылмыс анықталды.

Кілт сөздер:
Қызылорда облысы
Загрузка...

Басты тақырып