АСТАНА, 24 қыркүйек — Sputnik. ҚР Ұлттық ұлан жауынгерлері Өскеменде 20 жастағы қызды зорлаған күдіктіні іздеп тапты.
Алтайньюс порталының мәліметінше, оқиға өткен аптада болған. 20 жастағы қыз полицияға Абай даңғылы, 21 мекен-жайы бойынша орналасқан гараждардың маңында сағат 15:30 шамасында бейтаныс жігіт өзіне зорлық көрсеткенін хабарлаған.
Ұлттық ұланның әскери жасағы күдіктіге бағыттама алған бетте іздеу шараларын бастайды. Патрульдік топтың басшысы лейтенант Ермек Уәлиев пен қатардағы жауынгер Исламбек Төлесінов бағыттамада көрсетілген орынға жақын жерден 23 жастағы жас жігітті ұстады. Күдікті мас болған. Зардап шеккен қыз оны бірден таныпты.
Жеке меншік емхананың дәрігері ес-түзсіз жатқан науқасты зорлап тастады
"Ш. есімді азамат кінәсін мойындады. Сарбаздар жедел жәрдем шақыртып, зардап шеккен бойжеткен бірінші қалалық ауруханасына жатқызылды. 5518 әскери бөлімінің жасағы күдіктіні Үлбі полиция бөліміне жеткізді", – дейді "Шығыс" өңірлік қолбасшылығы баспасөз қызметінің басшысы Бағдат Амангелді.
Лейтенант Ермек Уәлиев пен қатардағы жауынгер Исламбек Төлесінов марапатқа ұсынылып отыр.
