Өңірлер

ҰБТ-дан жоғары балл жинаған жігіт шаштараз мамандығын таңдады

© Sputnik / Алексей Мальгавко / Медиабанкке өтуҰБТ, архивтегі фото
ҰБТ, архивтегі фото - Sputnik Қазақстан
Жазылу
Шалқар Амангелдинов жоғары оқу орнын тастап кетіп, шаштараз болып жұмысқа орналасқан

АСТАНА, 4 қыркүйек – Sputnik. Шығыс Қазақстан облысында ҰБТ-дан 121 балл алған жігіт шаштараз мамандығын таңдады. 

Емтихан - Sputnik Қазақстан
Қоғам
ҰБТ-дан 25 және 26 балл алған түлектер оқуға түсті

Шалқар Амангелдинов Аягөздегі қазақ мектеп-гимназиясын 2017 жылы жақсы аяқтады. Ұлттық бірыңғай тестілеуден 121 балл алып, ұстаздары мен жақындарын бір қуантқан.

Физика мен математиканы таңдаған жас жігіт бірден Қазақ Ұлттық университетінің механика – математика факультетінің "Автоматтандыру және басқару" бөліміне түсіп, 4 ай оқығаннан соң, бәрін тастап, туған қаласы Аягөзге келіп, шаштараз болып еңбек ете бастады. Қазір сауда орталығының жанынан ашылған халыққа қызмет көрсету орталығында білдей шаштараз.

Осы мамандықтың қыр-сырына үйрететін "Barbershop" деп аталатын 3 айлық курсты оқып, бұдан соң бір ай Атырауда тәжірибеден де өтіп келіпті, деп жазды altaynews.kz.

"Шалқардың мектеп қабырғасында жүргенде-ақ басты арманы шаштараз болу еді. Әкесі Қанат екеуміз оның алған бетінен қайтпайтынын білсек те жоғары білім алуына барлық жағдайды жасаған едік, енді амал жоқ",-дейді анасы Айгүл Бураханова.

Ал Шалқардың ойы бөлек. Ол осындай қадамға барғанын былай деп түсіндіреді:

"Қазір жоғары білім алып, дипломын сандыққа салып қойып жүрген қаншама аға-апамызды көріп жүрміз ғой. Менің ойымша осының бәрі мамандық таңдауда жіберілген кемшіліктердің салдары. Ата-ана перзентінің не нәрсе қолынан келетініне, нені таңдайтынына мән бермейді. Мен өзім сүйетін мамандықты таңдадым. Маған күнделікті еңбегіме берген ақы емес, өзім сүйген мамандығымнан алған ләззатым қымбат",-дейді 19 жастағы жас жігіт.

Жаңалықтар
0