Өңірлер

Талдықорғанда сержант демалыс алу үшін әкем өлді деп өтірік айтқан

© Sputnik / Виталий Белоусов / Медиабанкке өтуӘскери қызметкердің архивтегі фотосы
Әскери қызметкердің архивтегі фотосы - Sputnik Қазақстан
Жазылу
Әскери сот ер адамға алдау жолымен әскери қызметтен жалтарды деген айып тақты

АСТАНА, 25 маусым — Sputnik. Талдықорғанда сот заңсыз он күн демалыс алған әскери қызметкерге қатысты үкім шығарды.

Әскерилер - Sputnik Қазақстан
Оқиға
Шығыс Қазақстанда әскери борышын өтеп жүрген сарбаз жұмбақ жағдайда қаза тапты

Мамырдың басында сержант әскери қызметтен уақытша босағысы келеді. Ол әкесі қайтыс болғаны туралы рапорт жазып, отбасылық жағдайына байланысты он күн демалыс алған. Дегенмен тексеріс кезінде әкесі аман-есен екені анықталған.   

Бір айдан кейін қылмыстық іс Талдықорған гарнизонының әскери сотында қаралды. Соттың баспасөз қызметінің мәліметінше, ер адамға алдау жолымен әскери қызметтен жалтарды деген айып тағылды.   

Сот әскери қызметкерді кінәлі деп танып, 50 айлық есептік көрсеткіш көлемінде, яғни 120 мың теңгеден астам айыппұл салу түрінде жаза белгіледі. 

"Ондай сәтте ештеңе ойламайсың". Үш мәрте ерлік жасаған жас полицей нені армандайды?>>

 Назарбаев парламентке үндеу жолдады>> 


Жаңалықтар
0