Алматыда көлігін дұрыс қоймаған жүргізушілер жазаланды

АСТАНА, 3 мамыр — Sputnik. Алматы полициясы мессенджерлер арқылы тараған хабарлама бойынша шара қабылдап, көліктерін дұрыс қоймаған екі жүргізушіні жазалады, деп хабарлайды қаланың ішкі істер департаменті.

Көгалда тұрған Mersedec Benz G-class суретін көрген полицейлер бірден іске көшкен.

"Қала тұрғындарының хабарламасы бойынша, бүкіл мән-жай анықталды. Mercedes Gelandewagen көлігінің жүргізушісі жол ережесін бұзып, көгалға өтіп тоқтаған. Ол айыбын мойындады, испекторлар әкімшілік хаттама толтырып, 10 АЕК (24 мың 050 теңге) айыппұл салды", — делінген хабарламада.

Дәл осындай шара 28 жастағы Lexus жүргізушісіне қатысты қолданылған, ол Төлебаев көшесінде көлігін тротуарға шығарып қойып, жаяу жүргіншілердің өтуіне кедергі жасапты.