АСТАНА, 6 сәуір — Sputnik. Ақмола облысында кен орнындағы жұмыс кезінде машинист жарақат алып, ауруханаға түсті, деп хабарлайды өңірдің төтенше жағдайлар жөніндегі департаменті.
Оқиға бейсенбі 5 сәуірде "Қазақалтын" тау-кен комбинатының "Центральная" шахтасында болған.
Шахта учаскесіндегі электровоздың 1973 жылы туған машинисті бағыттамалық бұрмалар жанында тұрғанда, оны вагон қағып кетіп, кеудесінен жарақат алған.
Жұмысшы Астана қаласы травматология және ортопедия ғылыми-зерттеу институтына жатқызылды.
