Өңірлер

Қарағанды шахтасындағы ереуіл: 200 адам кенжардан шықпай қойды

© Sputnik / Владимир Вяткин / Медиабанкке өтуШахтадағы шахтерлердің архивтегі фотосы
Шахтадағы шахтерлердің архивтегі фотосы - Sputnik Қазақстан
Жазылу
"АрселорМиттал Теміртау" компаниясының төрт шахтасында кеншілер дүйсенбі күні ереуіл бастады, алайда әзірге ешқандай талап айтпаған

АСТАНА, 11 желтоқсан — Sputnik. "АрселорМиттал Теміртау" АҚ-ның 200 кеншісі жұмыстан кейін жер бетіне шықпай, кенжарда қалып қойды, деп хабарлайды компания баспасөз қызметі.

"Төрт шахтаның түнгі ауысымындағы 200-ге жуық адам жұмыс уақыты бітсе де, шахтадан көтерілген жоқ. Бұл наразылық акциясы санкцияланбаған, өйткені кеншілер шахта басшылығына да, "АрселорМиттал Теміртау" АҚ әкімшілігіне де ешқандай ресми талаптар қойған жоқ", — делінген компания мәлімдемесінде.

"Қорғау" көміршілер кәсіподағы тарапынан да ешқандай өтініш болмаған, деп атап өтті компания.

Кенші - Sputnik Қазақстан
Оқиға
"АрселорМиттал Теміртау" шахтасында апат болды
Қалған шахталар штаттық режимде жұмыс істеп жатыр.

"Қазір келіссөздер жүргізілуде. Нәтижесін кейінірек береміз", — деп хабарлады "Қорғау" көміршілер кәсіподағының төрағасы Марат Мірғаязов Sputnik Қазақстан агенттігіне.   

Оқиға Қарағанды облысы әкімдігінің бақылауында.


Жаңалықтар
0