АСТАНА, 11 қазан — Sputnik. Ұшақтың шассисіз шұғыл түрде қонуы салдарынан Оралдағы әуежайдың ұшу-қону алаңы зақымданған жоқ, деп хабарлайды аймақтық "Мой город" басылымы.
10 қазан күні сағат 19:56 кезінде AIR CONTROL әуе компаниясының ұшағы Орал қаласының әуежайында апаттық жағдайда қонды. Ұшақ бортында үш адам болған, зардап шеккендер жоқ.
Оқиға салдарынан екі ұшақ сапары кешіктірілді: Орал-Ақтау сағат 19:45-тен 00:40, Алматы-Орал 19:30-дан 21:20 уақытына ауыстырылды.
"Қазір (23:40) қонатын ұшақтарды қабылдай бастаймыз. Ұшу-қону алаңы зақымданған жоқ. Барлығысы тазаланды, бәрі қалыпты жағдайда", — деп хабарлады әуежай директоры Хайретдин Расқалиев.
