Өңірлер

Өз үйім – өлең төсегім: Қазақстан құрылыс секторына баса назар аударады

© Sputnik / Алексей Мальгавко / Медиабанкке өтуҚұрылыс
Құрылыс - Sputnik Қазақстан
Жазылу
Қазақстан президенті құрылысқа жаңа технологияларды енгізуді тапсырды

АСТАНА, 31 қаң — Sputnik. Қазақстан президенті Нұрсұлтан Назарбаевтың пікірінше, құрылыс секторы отандық экономиканың толыққанды драйверіне айналуға тиіс.  

Архивное фото строительства жилого комплекса - Sputnik Қазақстан
Қоғам
Қазақстанда "Нұрлы жер" тұрғын үй бағдарламасының тұжырымдамасы даярланды

"Жол, тұрғын үй және басқа да инфрақұрылым құрылысына инвестиция сала отырып, біз қалаларымыздың ұзақ жылдарға дейін сыртқы және технологиялық келбетін айқындайтынымызды ұмытпағанымыз жөн. Сондықтан құрылысқа да, құрылыс материалдарын өндіру саласына да жаңа технологияларды енгізу керек. Ол үшін бізде қазір жақсы мүмкіндіктер бар", — делінген Елбасының халыққа жолдамасында.

Мемлекет басшысының тапсырмасы бойынша биыл "Нұрлы жер" тұрғын үй бағдарламасы іске асырыла бастайды. Ол аса маңызды міндетті орындауға – алдағы 15 жылда 1,5 миллион отбасын тұрғын үймен қамтамасыз етуге бағытталған. 

Құрылыс - Sputnik Қазақстан
Өңірлер
Астана бірден салынған жоқ: 5 жылда қалада 10 млн ш.м. астам тұрғын үй салынады

Бағдарламада тұрғын үй нарығын дамытудың кешенді шаралары көрініс тапқан. Соның бірі – "Даму" акционерлік қоғамы арқылы мемлекеттің субсидия беруі есебінен құрылыс салушылар үшін банк несиесін арзандату. Тұрғындар үшін "Қазақстан ипотекалық компаниясы" акционерлік қоғамы арқылы банктер беретін ипотекалық несиені субсидиялау жүзеге асырылады. "Тұрғын үй құрылыс жинақ банкі" салымшылары үшін әкімдіктердің несиелік тұрғын үй салуы жалғасады. Оған ілгеріде бөлінген қаржы "револьвер" қағидаты  бойынша қайта пайдаланылады.

Әкімдіктер халықтың әлеуметтік әлсіз топтары үшін сатып алу құқығынсыз арендалық тұрғын үй бөлу ісін дамыта беретін болады. Жаппай тұрғын үй құрылысы үшін әкімдер тиісті жер телімдерін бөлуге тиіс делінген жолдамада.

"Біз қалаларда жеке тұрғын үйлердің бірыңғай сәулет стилінде салынуына мән беретін боламыз. Бұл үшін мемлекет қажетті инфрақұрылым тұрғысынан көмек көрсетеді", — деп атап өтілген құжатта.

Президент үкіметке әкімдермен бірлесіп, үлкен қалалардың іргелес орналасқан елді мекендермен көлік байланысын дамыту жөнінде шаралар қабылдауды тапсырды. 

Жаңалықтар
0