АСТАНА, 9 жел – Sputnik. Шымкент қаласы Игілік шағын ауданында орналасқан жеке тұрғын үйде жарылыс болды деп хабарлайды Otyrar.kz.
ТЖ 8 желтоқсан бейсенбі күні сағат кешкі 9 кезінде қосарланған (екі үй иесіне) жеке үйде орын алған. Себептері қазір анықталуда.
Зардап шеккендер жоқ, алайда үйді қайта қалпына келтіру мүмкін емес. Бастапқы берілген мәлімет бойынша, жарылыстың себебі – үй тұрғындарының қауіпсіздік талаптарын орындамауы, дегенмен нақты себептер бірнеше сараптама жүргізгеннен кейін белгілі болады. Бұзылған үйлердің иелеріне әкімшілік уақытша баспана берді. Қазір ауданның газбен қамсыздандырылуын қалпына келтіру бойынша жұмыстар жүргізілуде.
