АСТАНА, 5 жел – Sputnik. Ақмола облысы прокуратурасының үш жауапты қызметкері заңсыз аң аулады деген күдікпен ұсталды деп хабарлады Бас прокуратура баспасөз қызметі.
Оларды 4 желтоқсан күні Бас прокуратура ішкі қауіпсіздік басқармасының қызметкерлері ұстаған.
"Ақмола облысы прокуратурасының үш жауапты қызметкері қызмет орнын пайдаланып қиянат етті және заңсыз аң аулады деген күдікпен ұсталды", — делінген хабарламада.
Қазіргі уақытта айғақтарды жинау бойынша тергеу жұмыстары кешені жүргізілуде.
