https://sputnik.kz/20220103/Toqaev-qytai-toraga-khat-19040064.html
Тоқаев Қытай төрағасына хат жолдады
Тоқаев Қытай төрағасына хат жолдады
Sputnik Қазақстан
Си Цзиньпин мәңгі жан-жақты стратегиялық әріптестік қатынастарды екі ел халықтарының игілігі үшін жаңа деңгейге көтеруге дайын екенін жеткізді 03.01.2022, Sputnik Қазақстан
2022-01-03T12:54+0500
2022-01-03T12:54+0500
2022-02-01T13:05+0500
саясат
қасым-жомарт тоқаев
қытай
хат
https://sputnik.kz/img/1150/26/11502639_0:0:2500:1407_1920x0_80_0_0_13e8f4ec8bff818fb5bc6018aebca4fa.jpg
НҰР-СҰЛТАН, 3 қаңтар – Sputnik. Қазақстан президенті Қасым-Жомарт Тоқаев пен ҚХР төрағасы Си Цзиньпин бір-біріне Қазақстан мен Қытай арасында дипломатиялық қарым-қатынастардың орнағанына 30 жыл толуына орай құттықтау хат жолдады, деп хабарлайды Ақорда.Тоқаев екі елдің тарихи тұрғыдан қысқа мерзім ішінде әлемдік деңгейдегі үлгілі мемлекетаралық қатынас қалыптастырғанын атап өтті."Бұған менің 2019 жылы еліңізге жасаған сапарым барысында ынтымақтастығымызды мәңгі жан-жақты стратегиялық әріптeстікке көтеру туралы жариялағанымыз дәлел. Бұл тарихи шешіміміз тату көршілік, өзара сенім мен қолдауға негізделген тең құқылы қатынастар құру бағытындағы екі жақты күш-жігеріміздің шарықтау шыңы болды. Атап айтқанда, ортақ шекарамызға қатысты барлық мәселелердің түйіні тарқап, бүгінде ол достық пен бірлік көпіріне айналды. Осы ретте, Қазақстан мен Қытай шекарасындағы өзендерге қатысты келіссөздерді жуық арада аяқтау мемлекетаралық ықпалдастық жылнамасының тағы бір жарқын беті болары анық, – деді Қасым-Жомарт Тоқаев.Оқи отырыңыз: Тоқаев Бейжіңде өтетін Олимпиада ойындарына шақырту алдыҚазақстан президенті екі ел арасында көптеген бірлескен жоба табысты жүзеге асырылып келе жатқанын атап өтті."Қазақстан мен Қытайды мыңдаған шақырымға созылған темір және көлік жолдары, мұнай және газ құбырлары жалғап отырғанын ерекше атап өтемін. Осы тұрғыдан, "Нұрлы жол" стратегиясы мен "Бір белдеу, бір жол" бастамасының негізгі бағдары саналатын бұл "темір керуен" жыл сайын тараптарға көптеген отандастарымызды, миллиондаған тонна жүктерді және миллиардтаған текше метр табиғи газды тасымалдауға мүмкіндік береді", – деді Тоқаев.Сонымен қатар президент екі ел үкіметінің ортақ мүдделерімізді сәтті ілгерілетуде, COVID-19 індетінің салдарын жоюда қажырлы жұмыс істеп жатқанына тоқталды. Қасым-Жомарт Тоқаевтың айтуынша, екіжақты ынтымақтастықтың өркендеуіне және мәңгі жан-жақты стратегиялық әріптестікті одан әрі тереңдетуге қосып отырған ҚХР төрағасының жеке үлесін Қазақстанда жоғары бағалайды. Сондай-ақ мемлекет басшысы ресми және жұмыс тәртібінде тұрақты байланыстарды нығайтуда бірлесе күш-жігер жұмылдыруға әрдайым дайын екенін жеткізді.Құттықтау соңында Қасым-Жомарт Тоқаев Си Цзиньпиннің аса жауапты қызметіне толағай табыс, ал достас Қытай халқына мол ырыс пен құт-береке тіледі.Қытай төрағасының құттықтауыҚХР төрағасы Си Цзиньпин екі ел арасындағы дипломатиялық қатынастардың 30 жылдығы қарсаңында Қытай үкіметінің, халқының және жеке өз атынан мемлекет басшысы Қасым-Жомарт Тоқаевқа және достас Қазақстан халқына шынайы құттықтауы мен ізгі тілегін жолдады.Оқи отырыңыз: Ердоған мен Си Цзиньпин Назарбаевқа жеделхат жолдады"Қытай мен Қазақстан – тату көршілер және мәңгі жан-жақты стратегиялық серіктестер. Дипломатиялық байланыстар орнаған 30 жыл ішінде екі ел арасындағы қарым-қатынастар нығая түсті. Өзара сенімге негізделген ынтымақтастық үздіксіз тереңдеп келеді. Сонымен қатар "Бір белдеу, бір жол" бастамасын бірлесіп жүзеге асыру барысында елеулі жетістіктерге қол жеткізілді. Қытай тарапы Қазақстанның даму жолын дәйекті түрде қолдайды және алдағы уақытта зор табыстарға жетуіне, халықаралық аренада және аймақтық мәселелерде үлкен рөл атқара беруіне шын жүректен тілектестігін білдіреді", – делінген құттықтау жеделхатта.Си Цзиньпин Қытай мен Қазақстан арасындағы қарым-қатынастардың дамуына ерекше мән беретінін, дипломатиялық байланыстардың 30 жылдық мерейтойы аясында президент Қасым-Жомарт Тоқаевпен бірге өзара дәстүрлі достықты нығайтуға, мәңгі жан-жақты стратегиялық әріптестік қатынастарды екі ел халықтарының игілігі үшін жаңа деңгейге көтеруге дайын екенін жеткізді.
қытай
Sputnik Қазақстан
media@sputniknews.com
+74956456601
MIA „Rosiya Segodnya“
2022
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
қасым-жомарт тоқаев, қытай, хат
қасым-жомарт тоқаев, қытай, хат
Тоқаев Қытай төрағасына хат жолдады
12:54 03.01.2022 (жаңартылды: 13:05 01.02.2022) Си Цзиньпин мәңгі жан-жақты стратегиялық әріптестік қатынастарды екі ел халықтарының игілігі үшін жаңа деңгейге көтеруге дайын екенін жеткізді
НҰР-СҰЛТАН, 3 қаңтар – Sputnik. Қазақстан президенті Қасым-Жомарт Тоқаев пен ҚХР төрағасы Си Цзиньпин бір-біріне Қазақстан мен Қытай арасында дипломатиялық қарым-қатынастардың орнағанына 30 жыл толуына орай құттықтау хат жолдады, деп хабарлайды
Ақорда. Тоқаев екі елдің тарихи тұрғыдан қысқа мерзім ішінде әлемдік деңгейдегі үлгілі мемлекетаралық қатынас қалыптастырғанын атап өтті.
"Бұған менің 2019 жылы еліңізге жасаған сапарым барысында ынтымақтастығымызды мәңгі жан-жақты стратегиялық әріптeстікке көтеру туралы жариялағанымыз дәлел. Бұл тарихи шешіміміз тату көршілік, өзара сенім мен қолдауға негізделген тең құқылы қатынастар құру бағытындағы екі жақты күш-жігеріміздің шарықтау шыңы болды. Атап айтқанда, ортақ шекарамызға қатысты барлық мәселелердің түйіні тарқап, бүгінде ол достық пен бірлік көпіріне айналды. Осы ретте, Қазақстан мен Қытай шекарасындағы өзендерге қатысты келіссөздерді жуық арада аяқтау мемлекетаралық ықпалдастық жылнамасының тағы бір жарқын беті болары анық, – деді Қасым-Жомарт Тоқаев.
Қазақстан президенті екі ел арасында көптеген бірлескен жоба табысты жүзеге асырылып келе жатқанын атап өтті.
"Қазақстан мен Қытайды мыңдаған шақырымға созылған темір және көлік жолдары, мұнай және газ құбырлары жалғап отырғанын ерекше атап өтемін. Осы тұрғыдан, "Нұрлы жол" стратегиясы мен "Бір белдеу, бір жол" бастамасының негізгі бағдары саналатын бұл "темір керуен" жыл сайын тараптарға көптеген отандастарымызды, миллиондаған тонна жүктерді және миллиардтаған текше метр табиғи газды тасымалдауға мүмкіндік береді", – деді Тоқаев.
Сонымен қатар президент екі ел үкіметінің ортақ мүдделерімізді сәтті ілгерілетуде, COVID-19 індетінің салдарын жоюда қажырлы жұмыс істеп жатқанына тоқталды. Қасым-Жомарт Тоқаевтың айтуынша, екіжақты ынтымақтастықтың өркендеуіне және мәңгі жан-жақты стратегиялық әріптестікті одан әрі тереңдетуге қосып отырған ҚХР төрағасының жеке үлесін Қазақстанда жоғары бағалайды. Сондай-ақ мемлекет басшысы ресми және жұмыс тәртібінде тұрақты байланыстарды нығайтуда бірлесе күш-жігер жұмылдыруға әрдайым дайын екенін жеткізді.
Құттықтау соңында Қасым-Жомарт Тоқаев Си Цзиньпиннің аса жауапты қызметіне толағай табыс, ал достас Қытай халқына мол ырыс пен құт-береке тіледі.
Қытай төрағасының құттықтауы
ҚХР төрағасы Си Цзиньпин екі ел арасындағы дипломатиялық қатынастардың 30 жылдығы қарсаңында Қытай үкіметінің, халқының және жеке өз атынан мемлекет басшысы Қасым-Жомарт Тоқаевқа және достас Қазақстан халқына шынайы құттықтауы мен ізгі тілегін жолдады.
"Қытай мен Қазақстан – тату көршілер және мәңгі жан-жақты стратегиялық серіктестер. Дипломатиялық байланыстар орнаған 30 жыл ішінде екі ел арасындағы қарым-қатынастар нығая түсті. Өзара сенімге негізделген ынтымақтастық үздіксіз тереңдеп келеді. Сонымен қатар "Бір белдеу, бір жол" бастамасын бірлесіп жүзеге асыру барысында елеулі жетістіктерге қол жеткізілді. Қытай тарапы Қазақстанның даму жолын дәйекті түрде қолдайды және алдағы уақытта зор табыстарға жетуіне, халықаралық аренада және аймақтық мәселелерде үлкен рөл атқара беруіне шын жүректен тілектестігін білдіреді", – делінген құттықтау жеделхатта.
Си Цзиньпин Қытай мен Қазақстан арасындағы қарым-қатынастардың дамуына ерекше мән беретінін, дипломатиялық байланыстардың 30 жылдық мерейтойы аясында президент Қасым-Жомарт Тоқаевпен бірге өзара дәстүрлі достықты нығайтуға, мәңгі жан-жақты стратегиялық әріптестік қатынастарды екі ел халықтарының игілігі үшін жаңа деңгейге көтеруге дайын екенін жеткізді.
