03:34 01 Желтоқсан 2021
Тікелей эфир
  • USD434.16
  • EUR493.29
  • RUB5.81
Саясат
Қысқа сілтеме алу
75 0 0

Гада Вали Ауғанстаннан БҰҰ қызметкерлерін эвакуациялауға және оларды Алматы қаласында қабылдауға көмек көрсеткені үшін елімізге алғыс білдірді

НҰР-СҰЛТАН, 22 қараша – Sputnik. Мемлекет басшысы елімізге сапармен келген БҰҰ-ның Венадағы бөлімшесінің Бас директоры, БҰҰ  Есірткі және қылмыс жөніндегі басқармасының атқарушы директоры Гада Валиді қабылдады, деп хабарлайды Ақорда.

Кездесу барысында заңсыз есірткі айналымына, ұйымдасқан қылмысқа, жемқорлыққа, терроризмге, сондай-ақ кибер қылмысқа қарсы күрес жөніндегі ынтымақтастық мәселелері талқыланды.

Қасым-Жомарт Тоқаев БҰҰ-ның халықаралық істердегі негізгі рөлін атап өтті. Ол Қазақстан дүниежүзілік ұйыммен орнықты даму, қауіпсіздік пен тұрақтылықты қамтамасыз ету салалары бойынша тығыз іс-қимылдарды жалғастыруға мүдделі екенін нақтылады. Мемлекет басшысы БҰҰ-ның Есірткі және қылмыс жөніндегі басқармасының аймақтағы, әсіресе Ауғанстандағы қазіргі ахуалға қатысты жүргізіп отырған белсенді қызметіне қолдау білдірді.

"Президент БҰҰ Есірткі және қылмыс жөніндегі басқармасының Орталық Азия үшін 2022-2025 жылдарға арналған жаңа бағдарламасының қабылдануын құптады. Аталған бағдарлама табысты ынтымақтастықты одан әрі жалғастырудың берік негізін қалайды", - делінген ақпаратта.

Гада Вали елімізде жүргізіліп жатқан, оның ішінде құқық қорғау жүйесін жаңғыртуға бағытталған реформаларды жоғары бағалады.

Сондай-ақ, Ауғанстаннан БҰҰ қызметкерлерін эвакуациялауға және оларды Алматы қаласында орналастыруға көмек көрсеткені үшін елімізге алғыс білдірді.

Оқи отырыңыз:

Тақырып бойынша

БҰҰ Бас хатшысы отандық QazVac вакцинасына қатысты ойын айтты
Президент БҰҰ-да Қазақстандағы құрғақшылық туралы айтты
"Бауырластықтың шынайы рухы": БҰҰ басшысы Тоқаевқа алғыс білдірді
Қазақстан БҰҰ адам құқығы жөніндегі кеңесінің мүшесі болды
Ауғанстанның 23 миллион тұрғыны аштықтан өлуі мүмкін – БҰҰ
Кілт сөздер:
Қасым-Жомарт Тоқаев, БҰҰ, Вена
Загрузка...

Басты тақырып