02:25 01 Желтоқсан 2021
Тікелей эфир
  • USD434.16
  • EUR493.29
  • RUB5.81
Саясат
Қысқа сілтеме алу
15 0 0

Кеңес Азиядағы бейбітшілік, қауіпсіздік пен тұрақтылықты қамтамасыз ету арқылы ынтымақтастықты нығайтуды мақсат етеді

НҰР-СҰЛТАН, 18 қараша – Sputnik. Келесі жылы астанада Азиядағы өзара іс-қимыл және сенім шаралары жөніндегі кеңесінің VI саммиті өтеді. Бұл туралы Қазақстан президенті Қасым-Жомарт Тоқаев мәлімдеді, деп хабарлайды Sputnik Қазақстан тілшісі.

Келесі жылы Азиядағы өзара іс-қимыл және сенім шаралары жөніндегі кеңеске 30 жыл толады. Осыған орай елордада кеңестің VI саммиті өтеді.

"Бұл жиынды ұйымдастыру үшін сыртқы істер министрлігі ауқымды жұмыс атқаруы керек. Біз бұл кеңесті біртіндеп құрлықтағы Қауіпсіздік және даму ұйымына айналдыруды көздейміз", - деді Тоқаев сыртқы істер министрлігінің кеңейтілген алқа отырысында.

Президент Қазақстан дипломатиясы көптеген мәселені, тіпті, аса күрделі халықаралық түйткілдердің өзін мәміле арқылы шешуге мүдделі екенін атап өтті. Айтуынша, бұл тәжірибе жылдар бойы қалыптасқан және оң нәтиже көрсетіп отыр.

Азиядағы өзара іс-қимыл және сенім шаралары жөніндегі кеңесті шақыру идеясын алғаш рет 1992 жылы Елбасы Нұрсұлтан Назарбаев ұсынды.

Кеңес Азиядағы бейбітшілік, қауіпсіздік пен тұрақтылықты қамтамасыз ету арқылы ынтымақтастықты нығайтуды мақсат етеді.

Тақырып бойынша

Қазақстан кәсіпкерлерінің мүддесі көрші елдерде ойдағыдай қорғалмайды – Тоқаев
Орталық Азияның тағдыры үшін Қазақстанға ерекше жауапкершілік жүктеледі – президент
Тоқаев "Самұрық-Қазына" басшысына тапсырма берді
Тоқаев: Тәуелсіздікке нұқсан келтіретін бірде-бір келісімге жол бермеу қажет
Президент министрлікке жұмысқа тұруды "алынбас қамалға" теңеді
Кілт сөздер:
Нұр-Сұлтан, саммит
Загрузка...

Басты тақырып