00:06 13 Маусым 2021
Тікелей эфир
  • USD427.15
  • EUR519.12
  • RUB5.96
Саясат
Қысқа сілтеме алу
66 0 0

Мемлекет басшысы ДДСҰ-мен бірлесіп ұйымның Алматы қаласындағы Алғашқы медициналық-санитарлық көмек жөніндегі аймақтық бюросын күшейтуге ниетті екенін жеткізді

НҰР-СҰЛТАН, 31 мамыр – Sputnik. Қазақстан президенті Дүниежүзілік денсаулық сақтау ассамблеясының 74-ші сессиясының жабылуында бейнеүндеу жасады, деп хабарлайды Ақорда.

24 мамыр мен 1 маусым аралығында өтіп жатқан шараға Дүниежүзілік денсаулық сақтау ұйымына мүше 194 мемлекеттің делегаттары қатысып жатыр. Сессияның негізгі тақырыбы – "Қазіргі пандемияның аяқталуы және алдағы індеттердің алдын алу: тиімді, қауіпсіз әрі бейбіт әлемді бірлесіп құру".

Қасым-Жомарт Тоқаев Дүниежүзілік денсаулық сақтау ассамблеясының сессиясы бүкіл әлем 1,5 жылдан бері коронавируспен күресіп жатқан аса күрделі кезеңде өтіп отырғанына тоқталды.

Президенттің айтуынша, коронавирус ұлттық денсаулық сақтау жүйелері мен көпжақты институттар үшін теңдессіз сынақ болды. Ғаламдық дағдарыс кезінде Дүниежүзілік денсаулық сақтау ұйымы барлық мүше мемлекеттермен белсенді қарым-қатынас жасады.

"Ұйым өзінің біліктілігімен, бастамашылдығымен, мол тәжірибесімен дамушы және дамыған елдердің індетке қарсы күресіне басшылық етті. Ол ғалымдардың ғылыми жаңалықтар ашуына ұйытқы болды. Сонымен қатар мұқтаж жандар үшін қажетті ресурстарды жұмылдыруды шұғыл ұйымдастырды", – деді мемлекет басшысы.

Қасым-Жомарт Тоқаевтың пікірінше, Ассамблеяның қазіргі қызметі жасампаздық пен ұжымдық жауапкершілікке негізделген болашақ бағыт-бағдарымызды айқындауға жақсы мүмкіндік береді.

Президент кешегі мен бүгінгінің ауыр сынақтарынан сабақ алып, ДДСҰ бас директоры Тедрос Адханом Гебрейесустің ұсынысын толық қолдайтынын айтты. Бұл ұсыныстар ДДСҰ-ны реформалауға және оны қуатты, тиімді әрі қаржылық тұрғыдан дербес халықаралық деңгейдегі ұйым ретінде трансформациялауға бағытталған.

Мемлекет басшысы өз үндеуінде алғашқы медициналық-санитарлық көмектің маңыздылығына, атап айтқанда, 2018 жылғы Астана декларациясын ілгерілетуге назар аударды.

Оқи отырыңыз: "Біз үшін үлкен мәртебе": Тоқаев ДСҰ басшысымен сөйлесті

Президенттің пікірінше, пандемия алғашқы медициналық-санитарлық көмектің кез келген жұқпалы ауруға тиімді төтеп беретін негізгі тетік бола алатынын айқын көрсетіп берді. Осы ретте мемлекет басшысы ДДСҰ-мен бірлесіп ұйымның Алматы қаласындағы Алғашқы медициналық-санитарлық көмек жөніндегі аймақтық бюросын күшейтуге ниетті екенін жеткізді.

Сөз соңында Қасым-Жомарт Тоқаев Қазақстанның ДДСҰ мақсаттары мен қағидаттарын сөзсіз қолдайтынын тағы бір мәрте нақтылады.

 

Тақырып бойынша

Тоқаев боксшы қыздардың жеңісі туралы: тамаша тарту
"Бұл уақытша ғана нәрсе екен...": Қасым-Жомарт Тоқаев ашық сұқбат берді
Тоқаев Алматы экологиясы туралы: "Мұны одан әрі соза беруге болмайды"
Тоқаев атом станциясын салуға қатысты үрейге бой алдырмауға шақырды
Қасым-Жомарт Тоқаев Kaspi.kz басшылығымен кездесті
Полиглот, дипломат және президент: Қасым-Жомарт Тоқаев 67 жасқа толды
Кілт сөздер:
Дүниежүзілік денсаулық сақтау ұйымы, Қасым-Жомарт Тоқаев
Загрузка...

Басты тақырып