00:27 16 Қаңтар 2021
Тікелей эфир
  • USD420.71
  • EUR516.13
  • RUB5.65
Саясат
Қысқа сілтеме алу
95 0 0

Орталық сайлау комиссиясы мәжіліске өткен партиялардың депутаттық мандаттары қалай таратылатынын түсіндірді

НҰР-СҰЛТАН, 12 қаңтар – Sputnik. Орталық сайлау комиссиясы мәжіліске өткен Nur Otan, Ақ жол және Қазақстан халық партиясының қанша мандат алғанын жариялады, деп хабарлайды Sputnik Қазақстан тілшісі.

Комиссия төрағасының орынбасары Констатин Петровтың айтуынша, мандаттарды тарату шаралары "Сайлау туралы" конституциялық заңның аясында атқарылады.

"Оған сәйкес, "Nur Otan" партиясы - 76 мандат, "Ақ жол" демократиялық партиясы – 12 мандат, ал Қазақстанның халық партиясы 10 мандат алады", - деді Петров. 

"Демек, бүгіннен бастап партиялар мандаттарды тарату кезегін анықтауы тиіс. Егер белгіленген уақыттың ішінде мандаттарды тарату кезегі анықталмаса, Орталық сайлау комиссиясы тіркелген партиялық тізімдер бойынша мемлекеттік тілдегі алфавит тәртібімен мандаттарды таратады. Осыған орай, арнайы қаулы да қабылданады", - деп атап көрсетті Петров.

Мәжіліс депутаттары сайлауының қорытындысы
© Sputnik
Мәжіліс депутаттары сайлауының қорытындысы

Заң бойынша мандаттардың тарату кезегін партияның басқарушы органы сайлауға ұсынған партиялық тізім бойынша анықтайды. Оған 10 күн беріледі.

Бүгін комиссия мүшелері мәжіліс сайлауының соңғы нәтижесін жариялады:

  • Nur Otan – 71,09%;
  • Ақ жол –10,95%;
  • Қазақстан халық партиясы – 9,1%;
  • Ауыл–5,29%;
  • Адал –3,57%.

Сонымен, парламенттің төменгі палатасына үш партия өтіп отыр. Қалған екеуі жеті проценттік шекті бағындыра алмады.

Загрузка...

Басты тақырып