19:14 31 Қазан 2020
Тікелей эфир
  • USD432.64
  • EUR505.02
  • RUB5.47
Саясат
Қысқа сілтеме алу
106 0 0

Қазақстан мен Өзбекстан президенттері Қырғызстандағы ахуал елдің Конституциясы мен заңнамалық нормаларына сәйкес тезірек тұрақтанатынына сенім білдірді

НҰР-СҰЛТАН, 7 қазан – Sputnik. Қазақстан президенті Қасым-Жомарт Тоқаев Өзбекстан басшысы Шавкат Мирзиёевпен телефон арқылы сөйлесті, деп хабарлады Ақорда.

Мемлекеттер басшылары көпғасырлық ажырамас достық пен тату көршілікке, өзара сенім мен стратегиялық серіктестік қағидатына негізделген екіжақты қатынастардың қазіргі ахуалы мен оны әрі қарай дамытудың перспективаларын талқылады.

Оқи отырыңыз: Тоқаев пен Путин Қырғызстандағы оқиға жөнінде сөйлесті 

Қасым-Жомарт Тоқаев пен Шавкат Мирзиёев өзара ықпалдастықтың жоғары деңгейін және коронавирус індетінің салдарын тезірек еңсеру мақсатында екі ел үкіметтерінің арасындағы тәжірибе алмасуды ерекше атап өтті.

"Әңгімелесу барысында тауар айналымын арттыруға, бизнес пен аймақтық деңгейдегі іс-қимылдарды кеңейтуге, сондай-ақ, мәдени-гуманитарлық байланыстарды нығайтуға бағытталған бірлескен жобаларды ілгерілетуге баса мән берілді", - делінген хабарламада.

Мемлекеттер басшылары өңірдегі жағдайға байланысты пікір алмасты. Қазақстан мен Өзбекстан президенттері Қырғызстандағы ахуал елдің Конституциясы мен заңнамалық нормаларына сәйкес тезірек тұрақтанатынына сенім білдірді.

Қасым-Жомарт Тоқаев Қазақстанның бауырлас қырғыз елімен одақтастық байланыстарды және стратегиялық серіктестікті нығайтуға ерекше мән беріп отырғанын айтты.

Тақырып бойынша

Тоқаев Қырғызстан президентімен телефон арқылы сөйлесті
Тоқаев Ресей президентімен телефон арқылы сөйлесті
Тоқаев Трамппен кездесті: президенттер не жайында сөйлесті
"Сөзімді біреуге басқаша жеткізбейді": Лукашенко Тоқаевпен қарым-қатынасы туралы айтты
Кілт сөздер:
Қырғызстан, Шавкат Мирзиёев, Қасым-Жомарт Тоқаев
Загрузка...

Басты тақырып