07:33 28 Қараша 2020
Тікелей эфир
  • USD423.87
  • EUR505.25
  • RUB5.59
Саясат
Қысқа сілтеме алу
5559 0 0

Украина басшысы Қазақстан – Орталық Азиядағы маңызды әрі уақытпен сыналған серіктес екенін атап өтті

НҰР-СҰЛТАН, 16 сәуір – Sputnik. Украина президенті Владимир Зеленский Қазақстанға адамдарды эвакуациялау мен медициналық жүкті жеткізуге көмек көрсеткені үшін алғыс айтты. Бұл туралы ол Қазақстанның Украинадағы елшісі Дархан Қалетаевтан сенім грамоталарын қабылдау кезінде мәлімдеді.

Владимир Зеленский Қазақстанмен бірлесе жүргізілген ұйымдасқан жұмысқа жоғары баға берді. Соның нәтижесінде Қытайдан Украинаға медициналық жүк жеткізіліп, екі елдің жүздеген азаматы отанына оралған еді.

Посол Казахстана Дархан Калетаев вручил верительные грамоты президенту Украины Владимиру Зеленскому
© Photo : МИД Казахстана
Қазақстан елшісі Дархан Қалетаев Украина президенті Владимир Зеленскийге сенім грамоталарын табыстады

"Украина және украин халқы мұны ешқашан ұмытпайды. Өкінішке қарай, достық осындай сын сағатта сыналады", -деп атап өтті Зеленский.

Украина басшысы Дархан Қалетаевты елде дипломатиялық жұмысының басталуымен құттықтап, коронавирус пандемиясына қарсы күрес Қазақстанмен өзара тиімді қарым-қатынастың жандануына кедергі келтірмеуі тиіс екенін айтты.

"Қазақстан – Орталық Азиядағы маңызды әрі уақытпен сыналған серіктесіміз", - деді Украина президенті.

Салтанатты рәсім аясында өткен әңгіме барысында Дархан Қалетаев Қазақстанның жоғарғы басшылығының Украинамен кең ауқымды мәселелер бойынша прагматикалық ынтымақтастықты дамытуға мүдделі екенін растады.

Сонымен бірге, ол екі ел халықтарының тығыз тарихи байланысы мен екі мемлекет арасындағы сауда-экономикалық, мәдени-гуманитарлық ынтымақтастықтың маңызды әлеуетін атап өтті.

Тақырып бойынша

Украина ұшағын зымыран атып түсіруі мүмкін: желіде видео жарияланды
"Норманд форматы" Ресей мен Украина қарым-қатынасының жақсаруына көмектесті ме?
Назарбаев: Украина үшін алаңдаймын
Украина президенті қанша жалақы алатыны белгілі болды
Тоқаевтың сөзінен кейін Украина сыртқы істер министрлігі Қазақстан елшісін шақырды
Кілт сөздер:
Дархан Кәлетаев, Зеленский, Украина
Загрузка...

Басты тақырып