Саясат

Тоқаев Назарбаеваны сенат спикері етіп қайта сайлауды ұсынды

© Sputnik / Владислав ВодневДарига Назарбаева. Совместное заседание палат парламента по случаю закрытия парламентской сессии
Дарига Назарбаева. Совместное заседание палат парламента по случаю закрытия парламентской сессии - Sputnik Қазақстан
Жазылу
Жасырын дауыс беру кезінде 48 депутаттың барлығы Назарбаеваның кандидатурасын бірауыздан қолдады

НҰР-СҰЛТАН, 2 қыркүйек – Sputnik. Қазақстан президенті Қасым-Жомарт Тоқаев сенат төрағасы лауазымына Дариға Назарбаеваны қайта сайлауды ұсынды. Бұл туралы президент әкімшілігінің басшысы Қырымбек Көшербаев айтты, деп хабарлайды Sputnik Қазақстан тілшісі.

"ҚР Парламенті сенатының төрағасын сайлау туралы ҚР Конституциясының 58-бабының 1-тармағына сәйкес, Дариға Нұрсұлтанқызы Назарбаеваны парламент сенатының төрағасы қызметіне сайлауды ұсынамын", - деп оқыды Көшербаев Тоқаевтың атынан.

Депутаттар жасырын дауыс беруге көшті. 10 минуттық үзілістен кейін Назарбаева сенат төрағасы болып қайта сайланды.  

Тағы оқыңыз: Мемлекеттік қызметкерлердің саны 25 процентке қысқарады

"Жасырын дауыс беру бюллетеніне Дариға Назарбаеваның кандидатурасы енгізілген. Дауыс беру үшін 48 бюллетень берілді. Жәшікті ашқан кезде 48 бюллетень алынды. Жарамсыз бюллетень жоқ. Жақтағандар – 48, қарсы болғандар және қалыс қалғандар жоқ", - деді санақ комиссиясының төрағасы Әлімжан Құртаев. 

Айта кетсек, 12 тамызда Дариға Назарбаева сенат депутаты болып қайта тағайындалған еді.

Жаңалықтар
0