Саясат

Тоқаев Қызылорда облысының әкімін тағайындады

© SputnikПортфель
Портфель - Sputnik Қазақстан
Жазылу
Қазақстан президентінің жарлығымен Қызылорда облысының басшысы тағайындалды

НҰР-СҰЛТАН, 28 маусым - Sputnik. Қазақстан президенті Қасым-Жомарт Тоқаев Қызылорда облысының әкімін тағайындады.

"Қуанышбек Досмайылұлы Ысқақов Қызылорда облысының әкімі болып тағайындалсын", - делінген мемлекет басшысының жарлығында.

Бұдан бұрын Ысқақов Қызылорда облысы әкімінің орынбасары қызметін атқарған еді. Ал бұрынғы өңір басшысы Қырымбек Көшербаев Тоқаевтың жарлығымен президен әкімшілігінің басшысы болып тағайындалған.

Қуанышбек Ысқақовтың өмірбаяны

Қуанышбек Ысқақов 1968 жылы Қызылорда қаласында дүниеге келген. Жахаев атындағы Қызылорда агроөнеркәсіп өндірісі инженерлері институтын "инженер-құрылысшы" мамандығы бойынша бітірген. Кейін Қызылорда политехникалық институтында "бухгалтер-экономист", Қазақстандық инновациялық және телекоммуникациялық жүйелер университетін "заңгер" мамандықтарын игерді.

Тағы оқыңыз: Бақытжан Сағынтаев жаңа қызметке тағайындалды

Еңбек жолын 1985 жылы Қызылорда жиһаз фабрикасында бірінші разрядты станокшы ретінде бастаған. Әр жылдары Қызылорда облысы бойынша салық комитетінде маман, инспектор, сектор меңгерушісі, төраға орынбасары, облыс әкімінің бірінші орынбасары, өңірдің қаржы басқармасының бастығы, Қызылорда қаласы бойынша мемлекеттік кірістер басқармасының басшысы қызметтерін атқарған.                       

2015 жылы шілдеден желтоқсанға дейін Қызылорда облысы бойынша қаржылық бақылау инспекциясының басшысы болып еңбек етті. 2015 жылдың желтоқсанынан бері Қызылорда облысы әкімінің орынбасары болды.

Жаңалықтар
0