Саясат

Сирия бойынша келіссөздердің кезекті раунды наурыз айына қалдырылды

© Sputnik / Болат ШайхиновСирия бойынша келіссөздердің 6-шы раунды, архив
Сирия бойынша келіссөздердің 6-шы раунды, архив - Sputnik Қазақстан
Жазылу
Астана процесі кепіл елдерінің кездесуі наурыз айында елордада өтуі мүмкін

АСТАНА, 13 ақпан — Sputnik. Сирия бойынша келіссөздердің келесі раунды Ресей, Түркия және Иран сыртқы істер министрлерінің кездесуінен кейін өтеді. Бұл туралы бүгін ҚР сыртқы істер министрі Қайрат Әбдірахманов мәлімдеді, деп хабарлайды Sputnik Қазақстан тілшісі. 

Сирия бойынша келіссөздер - Sputnik Қазақстан
Саясат
Ердоған Астанадағы Сирия бойынша келіссөздердің тиімділігін атап өтті
Бұған дейін министр Астана процесі ақпанның жиырмасы кезінде өтуі мүмкін екенін айтқан болатын. 

"Ресейлік әріптестеріміз Астана процесінің кепіл елдері – Ресей, Түркия және Иран – Астана процесі аясында сыртқы істер министрлерінің кездесуін өткізуді көздеп отырғанын хабарлады. Бұл кездесу Астанада өтуі мүмкін", — деді Әбдірахманов журналистерге берген жауабында. 

Министр келіссөз мерзімі мен күн тәртібі қазіргі таңда нақтыланып жатқанын айтса да, кезекті раунд наурыз айында өтуі мүмкін екенін тілге тиек етті. 

"Осыған байланысты Астана процесінің кезекті раундын жаңағы айтқан кепіл елдер сыртқы істер министрлерінің кездесуінен кейін өткізу көзделіп отыр. Астана процесі министрлер кездесуінен кейін, бөлек өтеді", — деп түйіндеді министр.

Жаңалықтар
0