АСТАНА, 24 қараша — Sputnik. Қырғызстан президенті Алмазбек Атамбаевтың соңғы мәлімдемелерін оның психикалық сырқатымен түсіндіруге болатын шығар, сондықтан оның тез сауығып кетуін тілейік, деп жазған сенат төрағасы Қасым-Жомарт Тоқаев әлеуметтік желідегі парақшасында.
"Викиликсте АҚШ елшісі Янгтың түріктің дәрігерлеріне сілтеме жасай отырып Атамбаевтың психикалық ауруы және оның паранойясын ауырлата түсетін ішімдікке әуестігі туралы айтқан хабарламасы жарияланды. Енді бәрі түсінікті! Сауығып кетуіне тілектеспіз", — деп жазды Тоқаев twitter-дегі аккаунтында.
В Викиликс опубликовано сообщение посла США Янга со ссылкой на данные турецких докторов о психическом заболевании Атамбаева и его пристрастии к алкоголю, что усугубляет паранойю. Тогда все становится понятным! Остаётся пожелать ему выздоровления.
— Kassym-JomartTokayev (@TokayevKZ) 24 ноября 2017 г.
Естеріңізге салып өтсек, президент сайлауы кезінде кандидат Өмірбек Бабановтың Қазақстан басшысы Нұрсұлтан Назарбаевпен кездесуі Атамбаевтың ашуына тиген еді. Осыдан кейін ол Қазақстанның билігін қатты сынға алды. Тура үш күннен кейін қазақ-қырғыз шекарасында ұзын-сонар кезек түзіліп, түрлі проблемалар басталды.
Ал соңғы баспасөз мәслихатында Атамбаев Қазақстан билігі айтып жатқан сыннан рақаттанатынын айтып, сенат төрағасынан бастап премьер-министрге дейін "басшысы не айтса, соны істейтінін" мәлім еткен болатын.
