Саясат

Назарбаевты Пәкстанда өтетін ЭЫҰ саммитіне шақырды

Жазылу
2017 жылғы наурызда Исламабадта Экономикалық ынтымақтастық ұйымының саммиті өтеді

АСТАНА, 1 ақп — Sputnik.  Мемлекет басшысы Нұрсұлтан Назарбаев пен Пәкістан Ислам Республикасының премьер-пинистрі Наваз Шарифпен телефон арқылы екі жақты қарым-қатынастың қазіргі жағдайы мен перспективаларын талқылап, Пәкістан Премьер-Министрінің Қазақстанға 2015 жылғы тамыздағы ресми сапарының қорытындысы бойынша қол жеткізілген уағдаластықтардың іске асырылу барысына көңілдері толатынын жеткізді, деп хабарлады Ақорданың баспасөз қызметі. 

Қазақстан Президенті мен Пәкістан Премьер-Министрі елдеріміз арасында дипломатиялық қарым-қатынастың орнағанына 25 жыл толуына байланысты бірін-бірі құттықтады.

Шариф Нұрсұлтан Назарбаевты биылғы наурызда Исламабадта өтетін Экономикалық ынтымақтастық ұйымының саммитіне қатысуға шақырды. 

БҰҰ Қауіпсіздік Кеңесінің отырысы - Sputnik Қазақстан
Саясат
Елбасы: Қазақстан БҰҰ Қауіпсіздік кеңесінде әділ және шынайы жұмыс істейтін болады

БҰҰ Қауіпсіздік Кеңесінің тұрақты емес мүшелігі аясында Қазақстан Республикасының Ауғанстан жөніндегі комитетке төрағалығын ескеріп, тараптар Ауғанстан Ислам Республикасындағы ахуал жөнінде пікір алмасты. Бұл елде бейбітшілік пен тұрақтылыққа, ішкі үйлесімдікке қол жеткізуді көздейтін ортақ ұстанымдар ортаға салынды.

Бұдан бөлек, көптарапты құрылымдар, атап айтқанда БҰҰ мен ШЫҰ аясындағы ынтымақтасу мәселелері талқыланды.

Телефон арқылы сөйлесуге Пәкістан жағы бастамашы болды


Жаңалықтар
0