Бұл оның әдемі көрінбегенінен немесе дәмсіздігінен емес. Керісінше, олардың керемет әзірленгені соншалық, шебер қолдан шыққан туындының бір бөлігін кесіп алуға жүрегіңіз дауаламайды.
Йоланда Стоккерманс – Бельгияның Керсел деп аталатын шағын ауылында тұратын екі баланың анасы.
Балаларының дұрыс тамақтанғанын ойлаған Йоланда тағамдарды қарапайым әдістермен әзірлейді. Кейін өзі жасаған тағам түрлерін басқа балалардың аналарымен де бөлісуді жөн көріп, әлеуметтік желілерде жеке аккаунтын ашады.
Алайда, аккаунтының профилін безендіргісі келген ол өзі дайындаған тағамдардың әрін келтіретіндей суреттердің жоқ екеніне көзі жетеді.
Сол кезде ол тағамдардың суретін өзі әзірлеп шығуды жөн көреді. Ол қателеспеген екен. Оның аккаунты әлеуметтік желі қолданушыларының арасында үлкен танымалдыққа ие болады. Себебі, Йоланда безендірген тағамдар шынайы өнер туындысына айналып шыға келеді.
