05:41 28 Қаңтар 2022
Тікелей эфир
  • USD434.38
  • EUR486.33
  • RUB5.52
Оқиға
Қысқа сілтеме алу
2298 0 0

Әскери дәрігерлер қажетті емдік, реанимациялық іс-шаралар кешенін жүргізді, сарбаздың денсаулығы мен өмірін сақтау үшін барлық шараларды қабылдады

НҰР-СҰЛТАН, 29 қараша — Sputnik. Нұр-Сұлтандағы бас әскери-клиникалық госпитальде 2021 жылдың күзінде әскери қызметке шақырылған әскери қызметші қайтыс болды, деп хабарлады қорғаныс министрлігінің баспасөз қызметі.

"2021 жылдың 28 қарашасында Нұр-Сұлтан қаласының Бас әскери-клиникалық госпиталінде аурудың асқынуынан 2003 жылы туған әскери қызметші Сариев Бобир Халматұлы қайтыс болды. Биыл 25 қарашасда мерзімді қызметтегі сарбаз ауруханаға жағының астындағы тұста мойнының қабынуына шағымданып келген. Дене қызуы көтеріліп, инфекциялық-уытты шоктың дамуы белгілері болған", - делінген әскери дәрігерлерге сілтеме жасалған ведомствоның ресми хабарламасында.

Әскери дәрігерлер қажетті емдік, реанимациялық іс-шаралар кешенін жүргізді. Сарбаздың денсаулығы мен өмірін сақтау үшін барлық шараны қабылдады. Қазіргі уақытта тергеу шаралары жүргізілуде, деп хабарлады қорғаныс министрлігі.

Сариев 2021 жылдың күзінде Түркістан облысынан Нұр-Сұлтанда орналасқан Құрлық әскерлерінің әскери бөліміне мерзімді қызметке шақырылды.

Қорғаныс министрлігінің басшылығы мен Қарулы Күштердің жеке құрамы Бобир Сариевтің туыстары мен жақындарына қайғырып көңіл айтты.

Тақырып бойынша

Маңғыстау облысында бес әскери қызметкер жарақат алды
Жамбыл облысында әскери қызметкер өз-өзіне қол салды
Шымкент көшелеріндегі әскери техникалар қала тұрғындарының зәресін ұшырды
Ұтысқа тіккен: сарбаздардың атына несие рәсімдеген әскери қызметші сотталды
Қазақстан көрші елдерге оқ-дәрі мен әскери техника береді
Загрузка...

Басты тақырып