ҚЫЗЫЛОРДА, 2 қараша – Sputnik. Қызылордада ойын-сауық орнының меңгерушісін қорқытып, ақша бопсалағандар ұсталды, деп хабарлайды Sputnik Қазақстан тілшісі.
Посмотреть эту публикацию в Instagram
Оқиға Қызылорда облысының Шиелі ауданында болған. Ауданның орталығындағы ойын-сауық орнының меңгерушісін бір топ жас жігіт қорқытып, ақша бопсалаған.
Қызылорда облыстық полиция департаментінің жедел-тергеу тобы күдіктілерді ұстады.
"Қылмыстық кодекстің 194-бабы 2-бөлігіне сәйкес ("Қорқытып алу") сотқа дейінгі тергеп-тексеру амалдары жүргізілді. Олардың жәбірленушіден бірнеше мәрте ақша алғаны белгілі болды", – деді Қызылорда облысы полиция департаментінің баспасөз қызметі.
Жедел-іздестіру шаралары нәтижесінде Шиелі ауданының 29 жастағы тұрғыны ұсталып, айғақ зат ретінде жәбірленушіден алынған ақша тәркіленген.
Сондай-ақ, аудан орталығында Шиелі ауданының үш тұрғыны ұсталды. Төрт күдікті Қызылорда қалалық полиция басқармасының уақытша ұстау изоляторына қамалды.
Қазіргі таңда басқа да тұлғалар мен мән-жайлар анықталып, тергеп-тексеру жұмыстары жалғасып жатыр.
