Оқиға

Жамбыл облысындағы трагедия: жарылыс орнынан тағы бір адамның мәйіті табылды

© Sputnik / Тимур БатыршинБлокпост на подъезде к Таразу
Блокпост на подъезде к Таразу - Sputnik Қазақстан, 1920, 30.08.2021
Жазылу
Жамбыл облысында әскери бөлімнің қоймасындағы жарылыстан қаза тапқандар саны он бес адамға жетті

НҰР-СҰЛТАН, 30 тамыз – Sputnik. Жамбыл облысында жарылыс орнынан тағы бір адамның денесі табылды, деп хабарлады төтенше жағдайлар министрлігінің баспасөз қызметі.

"Қорғаныс министрлігінің саперлері оқиға орнынан тағы бір адамның денесін тапты. Оның жеке бас мәліметі анықталып жатыр", - делінген хабарламада.

Осылайша Жамбыл облысындағы жарылыстан қаза тапқандар саны он бес адамға жетті. Жоғалған бір адам іздестіріліп жатыр.

Тараз маңындағы жарылыс

Қайғылы оқиға 26 тамыз кешкі жетілер шамасында болды. Жамбыл облысы Байзақ ауданында әскери бөлім қоймаларының бірінде өрт шығып, артынша оннан астам жарылыс болды. Белгілі болғандай, қоймада инженерлік оқ-дәрі сақталған. Қорғаныс министрі Нұрлан Ермекбаевтың айтуынша, өрт тротил сақталған қоймадан басталған.

Соңғы мәлімет бойынша оқ-дәрі қоймасындағы жарылыстан 15 адам қаза тапты. Олардың арасында әскери қызметшілер, өрт сөндірушілер, құтқарушылар, әскери прокурор бар. 

"Ешкім қашқан жоқ": Қорғаныс министрлігі жарылысқа қатысты мәлімдеме жасады

29 тамыз Қазақстанда Жалпыұлттық аза тұту күні болып жарияланды. Президент Қасым-Жомарт Тоқаев әскери және қызметтік борышын атқаруда көрсеткен ерлігі мен жанқиярлығы үшін Жамбыл облысында әскери қоймадағы жарылыстан қаза тапқан азаматтарды мемлекеттік наградамен марапаттады.

Жаңалықтар
0