АЛМАТЫ, 16 маусым – Sputnik. Алматы қаласы Алатау ауданындағы Солтүстік айналма жолдағы O-Jet тұрғын үй кешенінің тұрғындары сәрсенбі кешке жолды жауып тастады, деп жазды Qumash Telegram-каналы.
Жол қозғалысын бұғаттау үшін адамдар супермаркеттің жанында тұрған қоршауларды пайдаланған.
Жиналғандардың ыстық судың өшірілуіне наразылық танытқаны анықталды.
Оқиға орнына полиция қызметкерлері барды.
Telegram каналдың хабарлауынша, араға біраз уақыт салып O-Jet тұрғындарына ыстық су берілді.
Оқи отырыңыз: "Бүкіл Қазақстан қарсы": маңғыстаулық жүргізушілер тас жолды жауып тастады
Айта кетейік, Алматыда жаз кезінде су құбырына жөндеу жұмыстары жүргізілуіне байланысты ыстық су бірнеше күнге өшіріліп тұрады.
Бұған дейін 14 маусым – 12 шілде аралығында Түрксіб ауданы Ахметов-Закарпатская-Қалмаржын-Огарева көшелерінің аумағында орналасқан тұрғын үйлер мен басқа да ғимараттарда ыстық су болмайтыны хабарланды.