Оқиға

Түркістандық келіншек өз ұлын 7 миллионға сатқысы келген – баланың туыстары табылмады

CC0 / Myshanah / Ребенок тянется за соской, иллюстративное фото
Ребенок тянется за соской, иллюстративное фото - Sputnik Қазақстан, 1920, 15.06.2021
Жазылу
Түркістан қаласының тұрғыны бір жасар баласын нотариус арқылы сатпақшы болған. Алайда заңгер құқық қорғау органдарына хабар берді

НҰР-СҰЛТАН, 15 маусым - Sputnik. Туған анасы сатып жібермекші болған бір жасар ұлды балалар үйіне жіберуге шешім қабылданды. Себебі екі аптаның ішінде туыстары табылмады, деп хабарлады "Хабар 24" арнасы.

Кішкентай бала пневмониямен екі апта бойы ауруханада жатты. Осы уақыттың ішінде жақын туыстары табылмады. Оны қалалық білім беру бөлімінің мамандары алып кетті.

"Баланы балалар үйіне орналастыру үшін арнайы қаулыны шығару қажет. Бірақ құжат мәселесі сәл созылып кетті. Сол себепті баланы енді ғана алып кетуге келдік. Оның туыстары бар ма, жоқ па, әлі де белгісіз. Бізбен байланысқа ешкім шыққан жоқ. Осыған байланысты оны балалар үйіне орналастыруға шешім қабылдадық", - дейді қалалық адам әлеуетін дамыту бөлімінің бас мамаы Жансая Орынбасарова.

Дәрігерлердің айтуынша, бала пневмониядан толығымен жазылып шықты.

7 миллионға бала сатылады

1 маусымда Түркістанда бір жасар баласын 7 миллион теңгеге сатпақшы болған әйел туралы ақпарат тарады. Сол кезде келісімнің мән-жайы да жарияланған.

Полицияның мәліметіне сәйкес, қала тұрғыны туған ұлын нотариус арқылы сатып жібермекші болған. Алайда заңгер құқық қорғау органдарына хабар берді. Оны келісімге қол қою кезінде құрықтады.

Оқи отырыңыз: Балалар зорлық-зомбылығы үшін жазаны күшейту керек пе – президент кеңесшісі пікір білдірді

Қылмыстық кодекстің 135-бабы, 2-тармағы (Кәмелетке толмағандар саудасы) бойынша сотқа дейінгі тергеу шаралары басталды. Оған сәйкес, 9-12 жылға бас бостандығынан айыру жазасы қарастырылған.

Полицейлердің айтуынша, әйел баласына дұрыс қараған жоқ. Дәрігерлердің тексерісі кезінде пневмония анықталды.

Жаңалықтар
0