Оқиға

Алматы облысында әйел 4 жасар қызды көлігімен қағып кетті

© Sputnik / Алексей Куденко / Медиабанкке өтуАурухана, бала
Аурухана, бала - Sputnik Қазақстан, 1920, 08.06.2021
Жазылу
Қыздың ата-анасы жүргізушіге ешқандай шағымы жоқ екенін мәлімдесе де, полиция қылмыстық өндіріс қозғады

НҰР-СҰЛТАН, 8 маусым – Sputnik. Сарыөзек ауылында төрт жасар қыз Mercedes-Benz көлігінің астына түсті. Жарақат алған бала шұғыл түрде облыс орталығына жеткізілді, деп хабарлайды Sputnik Қазақстан.

Разбитое стекло автомобиля, иллюстративное фото - Sputnik Қазақстан, 1920, 26.05.2021
Оқиға
"Жол апатынан 14 оқушы қайтыс болды": желіде тараған видеоның мән-жайы анықталды 
Ауруханада жатқан бүлдіршіннің суреті бастапқыда әлеуметтік желіде жарияланды, кейін жазбаны өшіріп тастады.

 Жол апаты фактісін Алматы облысының полиция департаменті растады. Баланы 3 маусым кешке Mercedes-Benz көлігімен қағып кеткен. Иномарканың рөлінде 42 жастағы әйел отырған. Тәртіп сақшылары ата-аналардың біреуі түсініктеме жазып, жүргізушіге шағымы жоқ екеніне сендіргенін айтты.

"Бала түрлі жарақатпен Талдықорған көпбейінді ауруханасына жеткізілді. Жол апатын Кербұлақ аудандық полициясы тергеп жатыр. Зардап шеккен қыз ауруханадан шығарылғаннан кейін қажетті сараптамалар жүргізіледі", - деді ведомствоның баспасөз қызметіндегілер.

Анықталғандай, іс Қылмыстық кодекстің 345-бабы 1-тармағы "Автомобильдi басқаратын адамның жол жүрісі немесе көлiк пайдалану қағидаларын бұзуы, абайсызда адам денсаулығына ауырлығы орташа зиян келтiруге әкеп соққан әрекет" бойынша тергеліп жатыр.

Жүргізушіге айыппұл салынуы мүмкін, түзеу немесе қоғамдық жұмыстарға тартылады, не 40 тәулікке дейін қамауға алынады. Сонымен қатар екі жылға дейін белгілі бір қызметпен айналысу құқығынан айырылуы мүмкін.

Жаңалықтар
0