Өңірлер

Көкшетауда көлікке орнатылған газ баллоны жарылды – видео

© SputnikГазовый баллон внутри загоревшегося автомобиля Lexus LX 470
Газовый баллон внутри загоревшегося автомобиля Lexus LX 470 - Sputnik Қазақстан, 1920, 15.05.2021
Жазылу
Жарылыс газ тарату қондырғысының жанында болған. Төтенше жағдай салдарынан ешкім зардап шекпеді

КӨКШЕТАУ, 15 мамыр – Sputnik. Көкшетауда автокөліктегі газ баллоны жарылды. Оқиға газ тарату қондырғысынан бір-екі қадам жерде болған. Көліктің қосалқы бөлшектері аулаға қарай ұшып кеткен, зардап шеккендер жоқ, деп хабарлайды Sputnik Қазақстан тілшісі.

Посмотреть эту публикацию в Instagram

Публикация от Sputnik Казахстан (@sputniknewskz)

14 мамырда Көкшетаудағы аулалардың бірінде тұрған көліктің газ баллоны жарылды. Әрі қарай өрт болған жоқ, бірақ қосалқы бөлшектер аулаға ұшып кетті.

Видео авторы бұл оқиғаның Юбилейный шағын ауданындағы тоғыз қабатты ғимараттың ауласында болғанын айтады.

"Көлігімді тексеруге келдім. Бүтін сияқты. Аулада көлік жарылды. Дәлірек айтқанда, газ баллоны. Көлік Ресейде тіркелген. Міне, газ жабдығын осылай орнатып жүрміз. Ішінде ешкім болмаған. Құдай сақтады", - деп түсініктеме берген ер адам. 

Полиция департаменті бұл фактіні растады.

"14 мамырда сағат 18.45 шамасында Volkswagen Golf автокөлігіне орнатылған газ баллоны жабдығы жарылды. Ол 37 жастағы Көкшетау қаласының тұрғынына тиесілі. Қазіргі уақытта автокөлік иесі Николаевка ауылында вахталық әдіспен жұмыс істеп жатыр. Меншік иесінің айтуынша, ол газ жабдығын пайдаланбаған, оны 2020 жылдың маусым айында Көкшетау қаласында сатып алған. Автокөлік Қазақстанда 2017 жылдан бері пайдаланылып келген", - деп түсіндірді Ақмола облысы полиция департаментінің баспасөз қызметі.

Сондай-ақ, полицейлер автокөліктің техникалық паспортында ГБО белгісі жоқ екенін атап өтті.

Автокөлік иесі келгеннен кейін тексеру жүргізіледі, деп түйіндеді ведомство.

Жаңалықтар
0