НҰР-СҰЛТАН, 26 сәуір – Sputnik. Алматы облысында жүк көлігі үш сиырды қағып кетті, салдарынан жолаушы қаза болды, деп хабарлайды өңірдің полиция департаментінің баспасөз қызметі.
Оқиға Талғар ауданында 25 сәуір кешкі жетілер шамасында болған.
Полицияның ақпаратынша, "Ақбұлақ – Талғар" автожолымен батыс бағытта келе жатқан "HYUNDAI HD270" жүк көлігінің жүргізушісі үш сиырды қағып кетті.
Посмотреть эту публикацию в Instagram
Салдарынан көлік ішінде отырған 33 жастағы жолаушы оқиға орнында көз жұмды.
Мал да аман қалмады.
Бұл фактіге қатысты Қылмыстық кодекстің 345-бабы 3-тармағы бойынша (Көлiк басқаратын адамдардың жол жүрісі немесе көлiк пайдалану қағидаларын бұзуы, абайсызда адам өліміне әкеп соққан іс-әрекет) сотқа дейінгі тергеу басталды. Қажетті сараптамалар тағайындалды.
